كلمات اغنيه فاتت جنبنا

كلمات اغنيه فاتت جنبنا

 

فاتت جنبنا انا وهوه .. وضحكت لنا انا وهوه

رديت وكمان رديت .. وفضلت ارد لحد ما فاتت

ونسيت روحي وصحيت .. اتاريها خذت الشمس وغابت

وانشغلت وقبل ما يطول انشغالي

رحت سائل روحي واحترت في سؤالي

انا بافكر ليه وبشغل روحي ليه

اعرف منين انها قاصداني انا مش هو

واعرف منين ان الضحكه دي مش له هو .. وليه انا ليه مش هو

مره ثانيه برضه صدفه .. كنت انا وهو في طريقنا

شفنا خطوه حلو جايه .. وضل تالت بيسابقنا

التفت لقيتها هيه .. حاجه مش معقوله هيه .. هيه

وابتديت اسمع في قلبي .. لحن حب جديد علي

سمعت منها كام كلمه .. ما قالتش منهم ولا كلمه

بس انا حسيت .. ولاول مره باعيش واحس

ولقيتني بدوب في كلام الهمس .. اللي مالوش حس

ضحكت تاني نفس الضحكه .. وراحت ماشيه

زي الدنيا ما تيجي في ثانيه .. وتمشي في ثانيه

بصيت لصاحبي لقيته .. جنبي وما هوش جنبي

عايز يقول كلمه .. اتقالت جوه في قلبي

كنت عايز اساله .. هو كمان حس بيها وانشغل هو كمان

ورجعت اقول انا بافكر ليه .. وباشغل روحي ليه

اعرف منين انها قصداني .. انا مش هو

واعرف منين ان الضحكه دي .. مش له هو وليه انا ليه مش هو

روحت انا روحت .. روحت ومش عارف مالي

ما اعرفش ايه اللي جرالي

فرحان عايز اضحك .. مهموم عايز ابكي

لا دموعي طايلها .. ولا لاقي حتى اشكي

حبيتها ايوه انا حبيتها .. مش قادر انسى ضحكتها

مش يمكن دي فرحه عمري .. والفرحه ما صدقت لقيتها

كان فين اليوم ده غايب عني .. كان فين تسلم لي وتسلم ضحكتها

وبعد يومين ابتدا قلبي .. يصحى من الفرحه وصحاني

يسالني امتى ح نشوفها .. وانا اقول له نشوفها فين تاني

والليالي دوبتني وشيبت فكري وظنوني

لما طيف الغيره شوفته .. بيترسم قدام عيوني

ان لقيت صاحبي بيضحك .. اقول دي لازم قابلته

وان لمحت في عينه شكوى .. اقول دي لازم خاصمته

ما لقتش طريق قدامي يرحمني من العذاب

غير اني ادور واسال .. واعرف منها الجواب

وعرفت طريقها عرفته .. وشقيت على بال ما عرفته

وبعت كلمتين مش اكتر من سطرين ..

قلت لها ريحيني قولي لي انا فين ..

وجاني الرد جاني لقيتها بتستناني .. وقالت لي انا من الاول

باضحك لك يا اسمراني

انا .. انا ايوه انا انا انا مش هوه

• كلمات اغنية فاتت جنبنا