طريقه تحضير البسطيله بالكفته والخضر
المقادير كما في المطبخ المغربي :
رابعه الكفته
جزرتين محكوكين
كرعه خضراء محكوكه
بصلتين مشلطين رقيق
ثلاث فلافل 2 حمراء ووحده خضراء مقطعين رقيق
بكيه فيرمسيل مرطبه في الماء مغلي ومقطعه
شويه الزيتون اخضر دوائر
شويه الحامض مرقد طريفات رقيقه
شويه الفرماج محكوك
شويه الملح، شويه الكمون، شويه الابزار، شويه القزبر مقطع رقيق
ربع كاس زيت، كنوره دجاج مفرته ، شويه الزبده لدهن الورقه .
طريقه التحضير :
كنوجد الخضر ونبدا في التحضير :
اولا ناخذ مقلاه تحط على النار فيها شويه الزيت ونشحر البصله
والفلافل ونزيد شويه الملح والابزار ونشحرهم مزيان حتى يذبالوا عاد
نزيد الجزر والكرعه ونشحر الكل حتى يهبط الخليط ونضيف عليه
الكفته والعطريه وكنور مفرتت ونحرك الكل
من بعد نزيد على الخليط بعدما نزول المقله من على النار،
الحامض والزيتون
ثم نخلط الخليط ونضيف ليه الشعريه الصينيه ، ونوجد الورقه والزبد
ونبدا في تعمار الورقه
بعدما حطينا الخليط فوق الورقه ديالنا بالعاده تنفرش فوق الصينيه
اللي غادي تدخل للفرن ثلاث ورقات، ووسطهم تنحط الحشوه
وفوق الحشوه تنحط الفرماج محكوك
وتنرد الورقات وتنحط من فوق ورقه والحواشي تيدخلوا تحت، مع
الدهن دائما بالزبده مذوبه بين الورقات
تدهن من فوق بالزبده وتدخل للفرن تطهى غير تحمر فقط، وقبل
التحمار النهائي تخرج ترش عليها الفرماج محكوك وترجع
شويه للفرن دون ميقساح الفرماج وتقدم ساخنه
