بركوكس جزائري
رطل عيش مشري
بصله مفرومه
3 فصوص ثوم
توابل: فلفل اسود+ كمون+راس الحانوت+ كسبر+ ورقه رند + قليل من النعناع + ملح
زيت
طماطم مجففه
فلفل احمر + فلفل اخضر
لحم مجفف (قديد) نشمخو شويه في الماء قبل ما نحطو في الكوكوت باش يتنحا الملح
شحمه
طماطم مصبره
فول مجفف
بطاطا + الخضر لي تحبي انا درت غير البطاطا
ماء
ملاحظه : الملح مانديروش بزاف لان القديد يكون مالح حتى كي نشلوه بالماء
– اول حاجه ديري ماء في قدر يسخن
ديري شويه زيت في العيش ومبعد بخيه بشويه ماء
حطيه يفور فوق القدر لي فيه ماء يغلي
– من جهه اخرى
حطي البصل والثوم والقديد والشحمه وشويه زيت خلي الكل يتقلى ضيفي التوابل والطماطم المجففه وملعقه كبيره طماطم مصبره وزيدي مقدار فنجان ماء وقليهم جيدا
بعدما تتقلى مرقيهم بالماء المغلي واقفلي الكوكوت باش يطيب القديد
كي تفتحي الكوكوت بعدما يطيب القديد تاعنا ضيفي الفول والبطاطا وزيدي مرقيها شويه واقفلي الكوكوت مره ثانيه
بعدما تكون طابت المرقه تاعنا لوحي الفلفل يغلي شويه ومبعدا طفي
وما تنسايش العيش تاعنا لازم كلما يفور ننحيه نرشو بشويه ماء ونخليه يبرد شويه ونعاود نردو يفور
حتان نشوفو طاب
نملحو شويه ونروح للكوكوت ننحي نصف المرق على جنب
ونحط العيش في المرق لي كاينه في الكوكوت
نخليه يتجمر شويه
ومبعد كي نسربي نضيف المرق المتبقيه
شهيه طيبه
