طريقه عمل الدنش بالصور
المقادير
2 1\2 كوب دقيق
1\2 كوب لبن دافىء
1\4 كوب ماء دافىء
2 1\2 معلقه خميره
1\4 كوب بيض
1 بيضه
1\2 كوب زبده مقطعه ومثلجه
الطريقه
-نضع البيض مع الدقيق والزبده فى العجانه والسكر
-ونحط الخميره فى اللبن الدافىء والميه ونضيفهم على الخليط
-ونضربهم كلهم فى العجانه لحد ما تتماسك وتصبح قطعه واحده ونسيبها تتخمر شويه وبعدين نحطها فى الثلاجه علشان تجمد لانها بتكون عجينه طريه
وبعدين ناخدها ونفردها ونبتدى نشكلها كالتالى
1- نقطعها مربعات متساويه ونشق اطرافها هيكون عدنا حوالى 4 مثلثات ونقفل من كل مثلث عندنا حرف لجوه
2- نعمل مربع ونقفله زى السمبوسك الناحيتين قدام بعض لتكون شبه المثلث
3-نعمل مربع ونقطع فى نصفه علامتين على شكل ضلعين مثلث ونطبق الحرف من الخارج للداخل
4- نفردها مستطيله كبيره ونقطعها من الجنب بالقطاعه تحت بعض بين كل واحده والتانيه 1 سم تقريبا
5- نعمل مربع ونقفل كل ناحيتين قدام بعض لحد ما نحصل على شبه الظرف المقفول
6- ممكن نعمل مربع ونقفل ناحيتن قدام بعض بس ونسيب الناحيتين التانيين
نسيبهم يخمروا مره تانيه قبل ما نحطها فى الفرن
ندهنهم بالبيض
لعمل الكاسترد
نضرب صفار البيض مع فانيليا والسكر وبعدين نحط حته زبده وشويه لبن صغيرين ونضربهم كويس اوى وبعدين نضيف النشا ونقلب جامد وبسرعه وبعدين نضيفها على اللبن ونحطهم على النار ولما تتخن نحط الحله فى حمام مائى ونسيبها تبرد ونحشى بيها الكاسترد مع الفاكهه
تدخل الفرن على درجه حراره 200 ولمده 15 دقيقه
لتلميع الوجه بعد ما يستوى الدنش
نجيب مربه مشمش ونحطها مه شويه ميه على النار علشان تكون سايله وندهن بيها كل الدنش اللى بيطلع من الفرن
