الخيانه تلك الكلمه الجبانه التي تجعل الانسان يشعر بالاهانه عندما يضحي الشخص من اجل غيره، ويلقى منه بالمقابل الجحود والنكران، فالخيانه اصعب الكلمات في الوجود، وتحمل في طياتها اسى ليس له حدود، لذلك اخترنا لكم في هذا المقال بعض الابيات الشعريه التي تتحدث عن الخيانه
قصيده تخونيني – للشاعر حامد زيد
تخونين وتبين ارضى؟ واحد يرضى تخونينه
انا لا جيت اخونك مع حبيبه ثانيه ترضين
من اول ما رجعت من السفر ما شفت لك بينه
وانا اللي كنت احسبك قبل ادوس ارض المطار تجين
تكونين انت اول شخص عيني تحتضن عينه
وكنت اتخيلك من زود فرحه رجعتي تبكين
واشوف بدمعتك حكيك واعرف قبل تحكينه
واجيب احلى من اللي بتحكينه واتركك تحكين
تقولين: الوطن نور واقول: بنور مضوينه
تقولي لي: غديت احلى واقول: عيونك الحلوين
كلام نام بشفاهك، وخفتي لا تصحينه
ذخرتيه لغرام اللي ينام ويتركك تصحين
تغانمتي غيابي، لين رجحتي موازينه
تعلم من يدك لمس الكفوف وعلمك تجفين
وليتك لاقيه به شي فيني ما تلاقينه
مهو بغرور لكن خابرك مالك امل تلقين
تغافلك بغلا والا الحلا مهو بمن زينه!!
تزينه الصور بس الصحيح ابن الحلال زوين
وانا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري والسم ما يذبح ثعابينه
على قول المثل (ماني حلو لكني ماني شين)
اذا اهداك الزهر مره فانا اهديتك بساتينه
واذا الهاك بفرح ليله فانا تهت لبكاك سنين
واذا استضعفتك املاكه وشتتك ملايينه
انا حتى فتات الخبزه اقسمها معك نصين
طموحي، بس اجي واظفر بشي تستحقينه
تدينته، تسلفته، سرقته، مو مهم منين؟
كاني من كثر ما ارضى بكل اللي تمنينه
لو انك تطلبين الله يعنيني، بقول: امين!
انا ما العب على الحبلين، وقت الطيش وسنينه
تبين الحين يوم اني كبرت العب على الحبلين
ترى عند الحضر بالذات (عيب اللي تسوينه)!!
حلاتك لا عشقتيني تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا ولا عشق يذل اثنين
كثار اللي تحدوني وقالوا لي: تحبينه
امانه لا تخليني صغير بعينهم ( تكفين)!!
لاني كل ما قالوا (تخون) اقول: مسكينه
عليك الله وامانه علميهم من هو المسكين
انا خايف (لي طاح الجمل تكثر سكاكينه)
وانا ما عاد بضلوعي مكان لطعنه السكين
مثل ما قالوا: (المكتوب واضح من عناوينه)
لو ارحل منك للغربه باسافر من ظلامك وين؟
كفايه كل حلم يمر برقادي تزورينه
كفايه من تفارقنا وانا ما غمضت لي عين
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين
ابيات مؤثره عن الخيانه
لا ردك الله لا ولا اطلب تردين
ادعي عليك بعثره في صلاتي
عثره تشلك ما بعدها تقومين
يا قاتلتني يوم صرتي حياتي
خدان لك بالقلب كانت بساتين
وريضان وغصونا بها يا نعاتي
كنت مناه القلب والروح والعين
واليوم عينك يعلها ما تباتي
كنت احسبك للعهد والحب توفين
قلتي الغدر بالحب ما هي بسواتي
وحلفتي يمين الله ما منك اثنتين
وانك ملاك دون كل البنات
وانك على عهد الموده تسيرين
ولا تسمعين اهل الحسد والوشاتي
وصار اليمين ستار خلفه توارين
ورماح غدرك بالخفا مشرعاتي
وبان الغدر سم جرى بالشرايين
الله عسى يسقيك سم الفعاتي
كلي سقيتك حب واليوم تنسين
تقولين حلم ايام واليوم فاتي
خذتي الهوى لعبه على ما تحبين
لين عصفت بالهوى عاصفاتي
من زينك يا بنت بالشعر تزيين
من صورك بابياته الطايلاتي
انا من غرامي قلت كانك تذكرين
قلت الخجل صاب البدر من مناتي
وصرتي بشعري في العذاري تباهين
تقولين انا شمس العصر في حلاتي
زينتك بشعري ولا غربك الزين
ما زانتك صبغات حمر الشفاتي
صورتك بالشعر حزام ورياحين
واثرك هضاب وشوك ما به هداتي
رسمتك سحابه خير قطر تنفين
فزت لك الصحراء زهور ونباتي
رسمتك مهاه للجميله تقودين
واثرك قطيعه وضيعتها الرعاتي
واثرك غراب يوم سدل الجناحين
كنت احسب اني شايف لي قطاتي
بالشعر غليتك على كل غاليين
واثرك دنيه وتعشقين الدناتي
وبالشعر عاتبتك عتاب المحبين
انا من يسوم الروح لك يا غناتي
توسلت لك خايف على حب عامين
عامين لكن في حسابي مئاتي
ناديت لكن لي ابد ما تسمعين
عمري وروحي فكري في ثباتي
حذراك للشينات عمري تماشين
عديمات اصل اخلاقهن دانياتي
غاب الولي عنهن ولعبن بحبلين
يا خس واليهن وخس الولاتي
ما همهن في الناس زين ولا شين
وقلوبهن من حقدهن مظلماتي
وقلتي وربك لو يكونا ملايين
ما غيرن بالطباعهن من سماتي
تحسبين انك بالمهافه ترقين
كيف الصعود يكون للهاوياتي
وخنتي وبعتي كل عهد وايامين
ما عاد يفرق بين ماضي واتي
وصرتي مثل غيرك برخص تبيعين
يا مرخصتني ما بقى لك غلاتي
صبري نفذ واليوم ثارت براكين
مظلوم انا وباكر تحل دعواتي
سمعي عسى من بعدها ما تسمعين
سمعي دعا من صار قلبه حصاتي
ادعي عسى من ناضرك ما تشوفين
وتطحن بك الايام طحن الرحاتي
وعساك عوق منه ما عاد تبرين
عوق تشافق له قلوب العداتي
ويالله عسى يحتار فيك المداوين
تبين الممات ولا يجيك المماتي
ويالله عسى كف الندامه تعضين
تندمين يوم انه يفوت الفواتي
وتبكين دم يسيل من مقله العين
وتحتار امك عن عناك وتحاتي
عسى ما تلاقي من له القلب تهدين
وان حصل ادعي عساك الشتاتي
يا بلوه اللي وسط بيته تعيشين
ساهي وحوله شب جمر الغضاتي
عسى بعمرك ساعه ما تهنين
وتمضي حياتك بين هم وشقاتي
يا بنت قلبي وين مثله تلاقين
قلبا عطاك الحب ما قال هاتي
جيتك وروحي شلتها لك بكفين
وفي التاليه رمح الخيانه جزاتي
يالله عساك النار يا ام وجهين
كله انكشف لا ما تفيد العباتي
ويالله عسى تلبسك جن وشياطين
وتكونين مدعاه الحكي والشماتي
يا حيه رقطا تقود الثعابين
باكر تحن ايامك المعتماتي
وباكر على فعلك بمثله تجازين
ظلم المشاعر ما تحكمه قضاتي
بيني وبينك تحكم ايام وسنين
وانا شاهدي قلبا من الغدر ماتي
ويا دمعه التمساح لا لا تذرفين
العيون رغم دموعها كاذباتي
لا ما عرفتي الحب لا ما تحسين
وغدرك تعدى غدر ذيب الفلاتي
الذيب يعوي قبل يغدر بمسكين
وانت غدرتي خافقي في سباتي
لو كان غدرك في كفوف الموازين
لكان رجح كل غدر البناتي
انت السبب سقتي على القلب
جرحين غدر الغرام وموجع الذكريات
وانت السبب واليوم لا لا تلومين
وان جاك باكر شوفي اشلون ياتي
والله لاكتب وافضحك في دواوين
وارقص واغني يوم خبر الوفاتي
وارسم لاهل العشق قلبا وسهمين
وقصه خيانه ما روتها الرواتي
ويمين لانشر فوق اسمك عناوين
واشهرك من قاصي اليمن للفراتي
ومن غرب هالدنيا الى قاصي الصين
ديوان غدر فيه كل اللغات
والبادي اظلم سنه العين بالعين
والا فذي لا عادتي ولا صفاتي
ويا شبه انسانه براس ورجلين
اعوذ بالرحمن منكبصلاتي
