صابون الغار حراز
انا جربت صابونه من عند حراز حلوه قوي هي بطمي البحر الميت و انتوا طبعا عارفين اد ايه مفيد و كمان ممكن تستعملوها زي ماسك يتساب علي البشره شويه لو فيها حبوب كتير و كبيره . بصراحه انا بعاني من بشره مختلطه من حوالي 10 سنين مشفتش فيهم بشرتي صافيه يووم واحد و جربت حاجات كتير منفعتش , و بعدين وانا عند حراز سالت علي صابونه كويسه اللي بيبيع هناك رشحلي الصابونه دي و قلت اجربها هخسر ايه يعني .. الصابونه اسمها ” لا في ” ” la vie” بالفرنسيه . هي صابونه انتاج مصري من الشركه المصريه للادويه هي طبيعيه مش طبيه و فيها طمي و معادن البحر الميت . الصابونه دي خلت بشرتي مشدوده و ناعمه و بتنظف البشره حلو قوي و متخليش فيها دهون . اللي بشرتها عاديه هتنشفها شويه بس هي عموما منشفتش بشرتي علشان دهنيه . الصابونه دي خلت ميطلعليش في وشي حبوب والا قليل قوي لما اكل شكولاته مثلا او اشرب بيبسي و انتوا عارفين الاتنين بيعملوا ايه . بس بشرتي اتحسنت معاها كتير و مبقتش دهنيه قوي زي الاول . انا بستعملها مرتين في اليوم مره الصبح و مره لما ارجع من الشغل و يفضل طبعا انكم تستخدموها قبل النوم كمان بس انا كسوله شويه . الصابونه سعرها 4.5 جنيه مصري مش غاليه وممكن تطلبوها من مندوبين حراز اللي في المنتدي و اكيد كمان بتتباع في اماكن تانيه في مصر بس انا مدورتش في حته تانيه . وفي كمان شامبو حلو للقشره عنده حراز بس ده بقي من انتاجه و بالاعشاب .. بصراحه انا اول ما استعملته مجبش نتيجه و بعدين فكرت اضيفله خل تفاح فبقيت كل ما اجي اغسل شعري اضيف شويه خل حوالي معلقه ضغيره علي الشامبو و اخففهم بميه و اسيبهم علي شعري من 3 الي 5 دقايق مش اكتر . و استفدت كتير من الطريقه دي .
- احلابنات ﺣﺮﺍﺯ
