طريقه عمل الكبده الاسكندراني مطبخ
المقادير
1/2 كيلو كبده مقطعه شرايح
(المقادير دي لشخصين او 3 بس لو اكتر بتزودي الكميه )
فلفل رومي الوان حوالي 5 او 6 وحدات
فلفل حامي ( حسب الرغبه )
بصل مقطع شرايح
تتبيله الكبده
حوالي 4 او 5 فصوص ثوم كبيره مدقوقه
خل
ليمون
ملح وفلفل
الطريقه
هاتي الكبده الشرايح واغسليها كويس اوي بالخل والليمون
تبليها بالثوم المدقوق والملح والفلفل وغرقيها في الخل والليمون
سيبيها لمده نصف ساعه
بعد كده قطعي البصل والفلفل الحار والفلفل الرومي شرايح
كبده اسكندراني – طريقه عمل كبده اسكندراني – كبده اسكندرانيبالصور
بعد كده اخلطيهم مع بعض
هاتي طاسه وحطي فيها شويه زيت ذره او عباد زي ماتحبي
وطشي فيها الكبده
سيبيها تغلي مع بعضها على نار عاليه
وبعدين وطي عليها النار لتحت
ماتضيفيش ليها ميه هي هتنزل ميتها وهتستوي فيها
بعد كده علي عليها النار علشان تنشف
زي كده
بعد ماميتها تنشف اعدي قلبيها لحد ماتتحمر في الزيت اللي انتي كنتي حطاه
اغرفيها في الطبق واعملي جنبها سلطه طحينه
