اول حاجه طبعا انا زيى زى بنات كتير بستعمل البودره الزفتيه ( المائيه ) ومش قادره استغنى عنها
وجربت حاجات كتيييييييييييييييييير عشان وشى يبيض والبقع تروح والهالات ووو ……..الخ
وغلاوتكم ما فى حاجه نفعت معايا . قولت الجا للبودره المائيه وفعلا بتخفى العيوب كلها وعندى احسن من البودره العاديه لان
بشرتى جافه . وكريم الاساس مع البودره العاديه بينشفوا بشرتى
ومفيش قدامى غير البودره المائيه
بستخدمها من زمان وعارفه ان ليها اضرار بس انا بشيلها لما ارجع بمناديل مزيله واهو العمليه ماشيه
المهم كنت طبعا بحطها بتبقى حلوه اول ما احطها على طول بس وممكن كمان قبل ما اكمل المكياج تتبتدى تغمق وانا بحط
فيها ولا ما اروح الشغل بتاعى ابقى عايزه اتف فى المرايا من منظر وشى بعد ما البودره ساحت وبقعت ولطخت وبقت مقرفه وبلاقيها
علمت خطوط كده وسط حواجبى لما بكشر وعملت خطوط حوالين بوقى لما بضحك يعنى كانت بتجير اوى
لكن دلوقتى لااااااااااااااا نيفر ايفر
البودره بقت حاجه تانيه خاااااااااااااالص . منوره منوره منوره لا منوره ايه . دى فله شمعه منوره
والله العظيم ولا احلف بيه باطل ابدا البودره بقت فى وشى منوره ورايقه لا وكمان ايه مبتسحش منى فى الشمس . لا كتير عليا
ههههههههههههه
بصوا يا صديقاتى . انا بعمل ايه بالظبط
اول حاجه : البودره المائيه بتاعتى اصليه وعليها تكتك كده ملون من ورا وهى ب35 ونوعها بقى ( شيرى ) شيرى بس مش شيرى
بينك .. لان احلى نوع فى البودره المائيه شيرى يعنى شيرى انا حره حد شيرى كى ههههههههههههههههه لانها بجد تحفه جدا مع
الناس كلها الا انا طبعا لان بشرتى زى الزفت وبتشرب اى حاجه حطاها عليها
تانى حاجه : بستخدم ملح الحليب . وحده تقولى ملح الحليب ازاى ملح الحليب على بشرتى
انا يابنات بشرتى لا دهنيه ولا حساسه الحمدلله ولا فيها حبوب انا بشرتى جافه وملح الحليب مبيحرقنيش ولا حاجه وعادى خالص
على بشرتى بالعكس ده فتحها شويه ورايحه كمان لونها يتوحد
طب انا بحط ملح الحليب ازاى فى وشى ؟؟
طبعا انا مبحطش ملح الحليب مباشره على بشرتى لا . انا بجيب علبه كريم ترطيب بستعلم كريم انجى ترطيب بعسل النحل
والجلسرين كويس جدا ومش بيدهن وب5 جنيه وممكن تستعملى اى كريم عادى ما هو كده كده هيتغسل وبعد كده بجيب علبه
الكريم بفضيها فى علبه كبيره شويه وبحط عليها اربع معالق ملح الحليب انا بستعمل ملح الحليب اللى الكيس بتاعه اسود فى
ابيض ده هو حلو جدا وانا بصراحه مجربتش الالوان التانيه علشان احكم بس ده هااااااااااايل
بعد ماحط اربع معالق ملح الحليب على علبه الكريم بقلبهم كويس جدا بالمعلقه وبقفل العلبه واحطها فى التلاجه اضمن
اجى الصبح او اى وقت اصل انا حاليا بعمل الصبح
المهم اول ما اصحى من النوم قبل ما اغسل وشى بحط شويه من الكريم اللى مخلوط بملح الحليب على وشى كله ما عدا
منطقى العين طبعا وبدلك حركات دائريه لمده خمس او عشر دقايق
تالت حاجه : بغسل وشى بمياه بارده عاديه وبغسل وشى بصابونه ملح الحليب اللى هى ابيض فى اسود جميله انا جربت اللى
لونها بمبى هى ريحتها حلوه واحلى من ريحه السودا فى ابيض كمان . بس نتيجه السودا فى ابيض احسن وبتنعم اكتر (
الاتنين حلوين ) المهم انا بتستخدم ملح الحليب والصابونه بتاعته عشان ينعم بشرتى ويشيل اى حاجه وحشه فيها ومنشفاها بجد
اختراع رووووووووووووووعه ملمس بشرتك حرير وكمان عشان اقلل من اضرار البودره المائيه اهو بعالج من ناحيه وابوظ من ناحيه بس
ان شاء الله الضرر هيبقى اقل لانى بنضف بشرتى وبنعمها وبصنفرها بملح الحليب والصابونىه بتاعته وكمان مناديل مزيل المكياج
رابع حاجه : بعد ما غسلت وشى انشفه عادى واجيب حته تلج صغيره وامشيها على وشى كله وبعدين انشف وشى بشويش
طبطبه كده على الوش . التلج يابنات عشان يثبت المكياج وميسحش
خامس حاجه ودى مهمه جدا : نبل السفنجه بتاعت البودره المائيه بميه ساقعه تلج تكونى جيباها من الفريز والله يابنات الميه اللى
بتبقى سخنه او عاديه زى بتاعت الحنفيه هى اللى بتخلى البودره تلطخ وتجير اوى . لكن الميه الساقعه بتخليها تثبت وتلصق
وبتجريها بسرعه على وشك وبينور اوى . لازم تكون الميه ساقعه مووووووووووووت
سادس حاجه : تعملى الميك كله بتاعك عادى وتبلى طبعا فرشاه الايشادو ميه كمان عشان الايشادو يثبت وكمان قلم الكحل انا
بستعمل بنجور وببل السن بتاعه ميه على خفيف قريت موضوع لبنوته هنا عن القلم الكحل لو عيزاه يثبت بليه ميه كل ما تعملى
بيه هو ساح منى بس مش زى كل مره يعنى كان معقول وسايح على خفيف بس طريقه النار احسن متهيالى
سابع حاجه : بعد ما تخلصى بس متحطيش الروجاجواو البلاشر يعنى دلوقت اعلمى البودره والكحل والماسكرا والايشادور والروج
وكله وبعدين مشى على وشك حته تلج تانى ايوه متخافيش المكياج مش هيتمسح وبعدين دوسى بالسفنجه بتاعت البودره على
وشك عشان تشرب الميه بتاعت التلج وبعدين حطى الروجاجو بتاعك بعد ما وشك ينشف تمام انا بستعمل روجاجو كريمى وفيه
لمعه ولونه بمبى خطييييييييييييير جدا
**** بعد طبعا ما عملت كل ده لقيت البودره هتنطق وتقول ايه البياض والروقان واللزقان ده روعه بجد ومنوره وفاتحه بس مش بيضه
زى الدهان بتاع الشقق لا دى تحفه ورايقه وطبيعيه والله العظيم يابنات البنات صحابى فى الشغل استغربوا وقالولى البودره بتاعتك
رايقه موت وحلوه كده ازاى وقولتلهم على الطريقه والتلج والميه الساقعه وملح الحليب وكله مع العلم ان بشرتى بتشرب المكياج
لكن فضلت معايا لحد ما روحت زى ما هى والله ما حصلها حاجه تحفه ومنوره وبتلمع ومسحتش ابداااااااااااااااااا ابدا ابدا
وكمان انا كان وشى رفيع اوى وباين عليه الارهاق فباخد دلوقتى اقراص خميره علبه ب6 جنيه بتصفى البشره وبتخن الوش مش
بتنفخ لا بتظبطه وتدوره وتملاه كده ويبقالك خدود هى مالهاش اضرار واسالوا برضو .. وكمان بتقتل الديدان بجد وشى بقى مليان
ومنور ومع البودره بقيت ايه ماشاءالله والحمدلله
يلا بقى جربوا وردوا عليا واللى بشرتها حساسه ما تعملش ماسك ملح الحليب علشان ما تدعيش عليا بس جربوا التلج والميه
الساقعه وادعولى
والتلج قبل وبعد زى ما موضحه
وموضوع الكحل عشان يثبت جربوا تمشوا عليه الولاعه كده على خفيف على السن بتاعه وسيبوه يبرد واعملى بيه اوعى تعملى
بيه وهوسخن وكمان حطوا ايشادو ابيض او اسود او اى لون تحبوه تحت الرموش بالظبط عشان بيثبت الكحل طبعا
وعلى فكره لما البودره بقت صافيه فى وشى بقيت شبه البنت الانيمى اللى انا حطاها صوره رمزيه هههههههههههه عجبانى اوى
انا المهم عندى مش التقييم المهم تجربوا وتردددددددددددددوا عليا النتيجه كانت ايه ؟؟
واى سؤال انا فى الخدمه يا قمرااااااااات
- بودرة انى كلين
