الكميه تكفي:5 اشخاص
المقادير:2 كوب دقيق
1 كوب زبده جامده
نصف كوب سكر بودره
بيضه واحده ساقعه -فانيليا
مقادير الكاستر
•3 كوب لبن
•2 بيضه كامله
•2 صفار بيض (البياض عملت بيه هامبرجر)
•فانيليا
•بشر برتقال او ليمون حسب الرغبه
•نصف كوب سكر او كوبايه الا ربع حسب الرغبه
•نصف كوب نشا ذره
•وانا ضفت معلقه كاستر بودره كانت عندى باقيه فى التلاجه على مقدار نشا الذره بتاعى
ودى صوره بالمكونات
طريقه اعداد الكاستر
– نشطف الحله بميه ساقعه والخطوه دى بتساعد على عدم التصاق اى حاجه فى قعر الحله
– نحط اللبن فى الحله يغلى عالنار
– نضرب البيض والسكر والفانيليا وبشر البرتقال لحد اما يمتزجوا مع بعض الطبخ: -نحط الدقيق على السكر على الزبده الجامده باقطعها بالسكينه مكعبات
واشغل الكبه بنحصل على فتافيت
– باضيف البيض والفانيليا واشغل الكبه تانى بلاقى العجينه حتلم لوحدها بالشكل ده
-واغطيها واسيبها ترتاح فى التلاجه شويه
– وافردها فى القالب واحطها فى التلاجه شويه وانغزها بالشوكه
– واحط عليها ورقه زبده عليها شويه فول تدميس او لوبيا ناشفه
-واحطها فى الفرن 170-180 حوالى نصف ساعه
– وممكن احطها دقيقتين تلاته تحت الشوايه تاخد لون ده طبعا بعداما باشيل الفول من عليها
وده شكلها بعد الفرن
فى الوقت ده باجهز الكاستر او الباسترى كريم
على فكره ممكن تشتروه بودره من محل مستلزمات الحلويات
طريقه اعداد الكاستر
المقادير:
•3 كوب لبن
•2 بيضه كامله
•2 صفار بيض (البياض عملت بيه هامبرجر)
•فانيليا
•بشر برتقال او ليمون حسب الرغبه
•نصف كوب سكر او كوبايه الا ربع حسب الرغبه
•نصف كوب نشا ذره
•وانا ضفت معلقه كاستر بودره كانت عندى باقيه فى التلاجه على مقدار نشا الذره بتاعى
ودى صوره بالمكونات
طريقه اعداد الكاستر
– نشطف الحله بميه ساقعه والخطوه دى بتساعد على عدم التصاق اى حاجه فى قعر الحله
– نحط اللبن فى الحله يغلى عالنار
– نضرب البيض والسكر والفانيليا وبشر البرتقال لحد اما يمتزجوا مع بعض
-نضيف النشا
– لما اللبن ييتدى يغلى باحط كبشه من اللبن على مزيج البيض والسكر والنشا واقلب كويس علشان درجه حراره البيض واللبن تكون قريبه من بعض فالبيض ما يكلكعش وبعدين اضيفه على اللبن وبنستمر فى التقليب علشان ما يكلكعش وكمان ما يتحرقش من قعر الحله
– لحد اما الكاستر قوامه يتخن باطفى النار باستمر فى التقليب والنار مطفيه لحد اما الكاستر يبرد شويه وباغطيه
ونرجع تانى للتارت
-باحط طبقه صوص شكولاته او شكولاته سايحه فى معلقتين لبن وحبه زيت صغيرين
-وباستنى اما الشيكولاته تجمد
-بافرد الكاستر
-وباحط الفاكهه انا استخدمت كنتالوب وخوخ كمبوت المره دى وكل مره بتكون حسب المتوافر قدامى
( الفاكهه لازم تكون ناشفه لحسن الميه بتاعتها تنزل على التارت وتبوظه واحنا ما صدقنا عملناه)
-بادهن الفاكهه بفرشه عليها جيلى تلميع(خطوه فى منتهى الشياكه وخصوصا لو فيه ضيوف)
-باسيبه شويه فى التلاجه وعاده انا بحب اغطى اى حاجه احطها فى التلاجه
– وادى النتيجه النهائيه ملاحظات:نخش الاول على الملاحظات
الملاحظه الاولى :
1)- يجب ان تكون كميه الدقيق متناسبه مع كميه الزبده
(العلاقه بين الزبده والدقيق مهمه جدا فى التارت لو الدقيق زاد بيكون التارت ناشف جدا وللحصول على افضل نتيجه بتكون كميه الدقيق ضعف كميه الزبده وكميه الزبده ضعف كميه السكر وممكن نعمل الحكايه دى بالميزان لو متوفر يعنى الكيلو الا ربع دقيق عليها نصف كيلو زبده وربع كيلو سكر و تلات بيضات)
الملاحظه الثانيه :
2)- يجب ان تكون الزبده جامده جدا جدا ومش سايحه
(مهم جدا النقطه دى لو الزبده سايحه ماينفعش خاالص
ولو اشتغلتى بيها وهيا سايحه حتضطرى تحطى دقيق والعجينه حتكون سايبه من بعضها فترجعى تانى تزودى دقيق ويطلع التارت ناشف جدا جدا)
الملاحظه الثالثه :
مافيش عجن للتارت خالص
(المكونات كلها بتدعكيها مع بعضها باطراف الصوابع وتلميها بالبيضه الساقعه او ممكن باستخدام الكبه لو متوفره زى ما انا عامله )
الملاحظه الرابعه :
القوالب الصغيره حتديكى نتيجه احلى (والقالب اللى بالقاعده المتحركه بيكون اسهل فى التعامل من الصينيه العاديه )
الملاحظه الخامسه :
عند وضع الصينيه فى الفرن لازم احط عليها حاجه تقيله (علشان التارت ما يطلعش لفوق وتكون النتيجه مش مضبوطه فالحل انى باحط علي التارت ورق زبده واحط فوقيه شويه فول او لوبيا ناشفه )
الملاحظه السادسه :
لازم الكاستر ما يكونش مكلكع
