طريقه عمل سويسرول
4 بيضات ( الصفار مفصول عن البياض ) + رشه من الفانيلا وقطرات من الخل
كوب سكر بودره مطحون
4-6 ملاعق ماء دافئ ( انتبهي غير ساخن )
كوب من الدقيق + ملعقه طعام بيكنج باودر
الطريقه :
اول شئ هنجهز الصينيه ندهنها زيت ونفرشها بورق الزبده
هناخد بياض البيض نضربه كويس جدا لحد مايبقي مارينج بالشكل ده
الاول هيعمل رغاوي نحط عليه ذره ملح ونضرب شويه وبعدين نحط عليه ربع كوب السكر البودره ونكمل ضرب لحد مايبقي مارينج
وبعدين نغسل المضرب كويس وننشف وناخد صفار البيض مع الفانليا والخل ونضربه كويس جدا لحد مايبقي لونه فاتح ونضيف معه بقيه السكر تدريجيا
وبعد مايضرب كويس جدا نضيف الدقيق بالتناوب مع الماء الساخن علي الصفار والسكر انا حطيت تقريبا 4 م ك مايه
ثم نضيف بياض البيض شويه شويه علي خليط الصفار والدقيق وطبعا نقلب بخفه متناهيه
والان نصب الخليط في الصينيه المجهزه
وندخله الفرن علي درجه حراره 180 انا اخد معايا بالظبط 17 دقيقه وممكن ياخد من 12:15 دقيقه مش اكتر عشان مينشفش
هنسيبه يهدي وبعدين نكون ججهزنا فوطه نضيفه ونقلب عليها السويسرول كده ونشيل ورق الزبده بالراحه
نكون فرشنا ورق زبده او ورق فويل مرشوش سكر بودره جنب الفوطه وننقل عليها الكيك بالراحه ونلفه كويس بالراااااحه مع الضغط عليه ونقفل عليه كويس اوي وندخله التلاجه تقريبا نصف ساعه بعدين نطلعه نفكه بالرااحه جدا وندهنه الكريمه الي عاوزينها انا دهنته كريم شانتيه عليه معلقتين كاكاو وم نسكافيه
ونرجع نلفه في الورق تاني وندخله التلاجه يرتاح
بعد مايطلع بقي نشيل من عليه السكر البودره ونزوقه باي شكل نحبه مكسرات فواكه او نغطيه تماما بالشوكولاته او الكريمه
واحنا بنقطعه نجيب كبايه مايه سخنه ننزل فيها السكين يفضل تكون مشرشره
