مسقعه باللحمه المفرومه
المقادير:
كيلو باذنجان رومي
½ كيلو لحمه مفرومه
2 كوب صلصه طماطم
ملعقه صغيره ثوم مفروم
3 ثمره فلفل رومي مقطع صغير
2 ملعقه كبيره زيت
2 بصله مفرومه
ملح وفلفل
الطريقه :
1- شوحي البصل في الزيت لغايه ما لونه يصفر، وبعد كده ضيفي عليه الفلفل الرومي، وقلبيهم مع بعض شويه .
2- بعد كده ضيفي اللحمه المفرومه ، واستمري في التقليب لغايه ما اللحمه يبقى لونها بني، وبعدين ضيفي عليها الملح والفلفل والبهارات، وسيبي اللحمه على نار هاديه لغايه ما تستوي.
3- قطعي الباذنجان شرائح، ورشي عليه شويه ملح وسيبيه شويه ، وبعد كده حمريه في زيت غزيز.
4- رصي نصف كميه الباذنجان في قالب او صينيه ، وبعد كده حطي عليها اللحمه المفرومه ووزعيها كويس، وبعدين ضيفي باقي كميه الباذنجان.
4- شوحي الثوم مع ملعقه زبده او زيت في حله على النار لغايه ما يبقى لونه دهبي، وبعد كده ضيفي عليه صلصه الطماطم وسيبيها تتسبك على نار هاديه ، وتبليها بالملح والفلفل، وبعد كده حطي الصلصه دي على الباذنجان، ودخلي الصينيه في الفرن على درجه حراره متوسطه لمده 30 دقيقه .. وبالهنا والشفا.
