طريقه السويسرول وتحضيرها
المقادير:
5 بيضات
كوب ونصف سكر
كوب ونصف دقيق
ملعقه صغيره فانيليا
2 ملعقه صغيره بيكنج بودر
الطريقه :
يضرب البيض جيدا
حتى يهش ويتضاعف حجمه
وضرب البيض هو اهم حاجه فى نجاح السويسرول .
ونضع السكر ويضرب جيدا مع الفانيليا والدقيق على دفعات وبالتدريج كلما امكن مع اضاف البيكنج بودر .
وتدخل الفرن حوالى نصف ساعه مع عدم فتح الفرن نهائيا
مقادير الكريمه :
ثمن زبده صفراء
كوب الاربع سكر بودره
بيضه
فانيليا
يضرب الزبده حتى يصير لونها ابيض فى وعاء صغير
ونضع السكر وتضرب البيضه مع الفانيليا
تمام كده
نعمل مهلبيه لوحدها مقاديرها كوب ونصف لبن ويحلى
على النار نضيف 2 ملعقه نشا كبيره حتى تتماسك
ملاحظه :لازم تكون مهلبيه تقيله مش زى اللى احنا بناكلها ماسكه شويه . وبعد ماتبرد تضاف لخليط الكريمه .
ملحوظه : لازم المهلبيه تبرد لو وضعت سخنه هتسيح الزبده
بعد خروج السويسرول من الفرن ( فى صينيه مستطيله ) تترك لتهدا ويضع على الوجه مربى وتلف وتوضع فى الثلاجه لمده ساعه حتى تتماسك .
بعد خروجها من الثلاجه تقطع شرائح .
بصوا بقه الخطوه دى فى غايه الاهميه
ناتى بوعاء عميق ونضع فيه كيس نايلون لحد الحواف
وترس شرائح السويسرول فى القاعده.. ثلاث شرائح.. وبعد كده نرس على الحواف وناتى بالكريمه ونضعها فوق السويسرول ونضع قطع الموز والفراوله او على حسب الرغبه . يمكن الاستغناء عن الفراوله بس مش ممكن الاستغناء عن الموز
ناتى بقطع اخرى بالتبادل مع الكريمه والموز حتى نصل لاخر قطعه .
يمكن اضافه الكاكاو على نصف الكريمه لتصبح كريمه شيكولاته
واخر طبقه نهتم بيها اوى ونقفلها كويس ليه بقه .
علشان هتدخل الثلاجه وبعد خروجها ناتى بطبق كبير ويقلب عليه الوعاء .
لتصبح الثلاث شرائح القاعده هى اول واحده عند قلبها
