طريقه عمل قاطو البيضه
حلوى البيضه
///////////////
المقادير:
250غ مرغرين بحراره الغرفه
60غ سكر رطب
100غ نشا
بيضه +صفار بيضه
فاني
نصف م ص خميره مانكثروش حتى الحلوى تحافظ على شكلها
فرينه
للحشو:
حلوه الترك ممكن نعمل نواد كوكومرحي ونلمه بالمعجون ونضيفله ملون اصفر حتى ياخذ لون مح البيضه .
الطليه :
سكر رطب من النوع الجيد انا استعملت المرجان
ماء معدني
ماء الزهر
عصير ليمونه
كميه من النيسكافيه مذوبه في الماء
ملون برتقالي
نحتاج ايضا الى
ملمع فضي
ورق الطهي لصنع عش البيضه
الطريقه :
نحضر عجينه الصابلي
نخلط المرقرين مع السكر بالخلاط ثم نضيف البيضه وصفار البيضه ونحرك ثم الخميره والفاني والنشاء ونلم
بالفرينه بلا مانعجن حتى نتحصل على عجينه متماسكه ماتكون طريه ماتكون يابسه
نشكل كويرات من العجينه بحجم 30غ ولي حابه حجم صغير تعمل 25غ نحشيها بشويه من حلوه الترك نعاود نغلقها ونكورها
لتشكيل هذا الحلوى يلزمنا مول راه متوفر في السوق شفاف و بيضوي
ولي ما عندهاش ممكن تعوضه بعلبه بيضه شكوله كيندر
نحط داخله كيس بلاستيكي حتى يسهل نزع الحلوى بسهوله
نحط الكويرات المحشيه داخل المول ونضغط عليها حتى تاخذ شكل البيضه
حطها في الصينيه خاصه بها شكل البيض نملا مول الصينه
ندخلها للفرن تطيب على 180د
خليها تبرد تماما من بعد نحضر الطليه
الان نقوم بتحضير الطليه
هذا المره عملت الطليه بدون بياض بيض لان كيما سبق وخبرتكم ان هو لي يخليها تبس بالخف
في اناء نحط السكر الرطب يكون مغربل ونضيفلو ماء الزهر حتى نتحصل على عجينه نعجنها شويه باليد
نضيف عليها عصير ليمونه ونحرك باليد
نضيف شويه من الماء المعدني حتى نتوصل للقوام المناسب
بعدها نضيفلها كميه من النسكافيه المذابه في القليل من الماء وشويه ملون برتقالياو ممن ابيض ….. حتى نتوصل للون المناسب للبيضه
في هذا النوع من الحلوى لي يذوب في الفم من الاحسن ناخذ مشبك ونحط داخل صينيه نحط حبات الحلوى فوق المشبك ونهز الطليه بالملعقه ونحطها فوق الحلوى ونحرك المشبك حتى تهبط كميه الطليه الزائده طبعا نعاود نستعملها مره اخر
نترك الحلوى تنشف تماما من بعد نلمعها بالقليل من الملمع الفضي
حتى نزيد من جماليه الحلوى وتظهر وكانها بيضه حقيقيه نعملها اعشاش
ناخذ ورق الطهي ونفوته في الماشينه في جهه الرشته
نحط الحلوى في ليكيسات ناخذ كميه من الورق لي حضرنا نلفه حول نفسه من بعد نحط ساير داير على البيضه ونقدمها
- قاطو البيضة
- كيفية تحضير قاطو البيضة
- مقادير قاطو البيضة
- قاطو على شكل بيضة
- قاطو بيضة
- gâteau bi alhalkoum
