ازاي احط البودره المائيه كويس
تحضير البشره قبل الميك اب
اهم حاجه لازم تعملها اي بنت قبل ما تحط الميك اب انها تجيب قطنه فيها تونيك او ماء ورد علشان تشيل اي شوائب او تراب او اثار ميك اب ممكن انها تكون موجوده على البشره علشان ننظف البشره ونحضرها للميك اب، ده غير ان ماء الورد بيمنع ظهور التجاعيد المبكره في البشره وبيقفل المسام.
وبعد تنظيف البشره يفضل وضع كريم مرطب سريع الامتصاص؛ لانه بيرطب البشره وفي نفس الوقت بيغذي البشره وبينور الوش ويفتحه، وطبعا بالنسبه لخروجات الصبح اللي بيروحوا الجامعه لازم يحطوا صن بلوك (واق من الشمس)، ويفضل انها ما تكترش الصبح الميك اب خالص يعني تحاول تحط اقل حاجه ممكنه علشان يكون شكلها طبيعي وهادي.
مشاكل البنات مع الكونسيلر (مصحح العيوب)
فيه بنات كتير بتسال وبتقول ان الكونسيلر بيشقق او بيقطع تحت العين، وعلشان تعالجوا المشكله دي لازم نوزع اللوس باودر “بودره سايبه ” تحت العين بعد الكونسيلر، واللوس باودر دي دورها انها بتثبت الميك اب سواء كان كونسيلر او كريم الاساس، ولازم نفرق كويس اوي بين البودره السايبه والمضغوطه ؛ لان البودره المضغوطه بتستخدم لازاله الدهون الزايده وفي تصليح الميك اب.
كمان فيه بنات كتير بتستخدم درجه كونسيلر فاتحه جدا عن لون بشرتها وده غلط؛ لانه بيظهر منطقه تحت العين فاتحه جدا وبيكون شكله مش مناسب خالص، وخصوصا في ضوء النهار لان الضوء ده بيكشف تفاصيل الوجه بالظبط.
- ازاي احط البودره المائيه
