سيداتى انساتى سيداتي علي راى ابو حفيظه
ازيكن و السلام عليكن و وحشتوني نونة برضة عشان الوزن بس
اوبالتاكيد بالتاكيد السادة الرجال الي يشرفوا بالتاكيد منورين القاعدة و الله شكلكم جايين تاكلوا بس
انتم عارفين ان انا احب و اعز موت اعمل الحاجة فىموسمها
وحاليا فموسم الفراوله
فكل و احدة فيكم تروح تشترى قفص فراولة حلو كدة و تيجى
عشان هانعملها مربى
اولا و باديء ذى بديء الصورة الي فوق دى انا لطشها من علي النت مش من عندي
بس اوعدكم بارتفاع مستوي الصور بعد كدة حيث اني اشتريت موبايل جديد
بكاميرا 3.2 بكسل و هاشهيصكم صور
خلينا فالفراولة يا رغايين
اول حاجة هانشترى الفراولة ما تكونش مستوية اوى و ما تكونش خضرا برضه
حمرا كدة و مصحصحة و فله
انا باحب فالمربي اعمل فراولة صغيره عشان ما اقطعاش عشان تبقي قطع داخل المربى
لكن بالتاكيد فناس بتحب الفراولة مقطعة و مهروسة شوية كمان فى المربي حسب جميع و احد و ذوقة طبعا
شوفوا كدة الفراولة بتاعتى دي
بالتاكيد انا جبتها و نضفتها و غسلتها و زى ما انتم شايفين حجمها صغير اوى شوف كام و احدة فايدي
سمعاكى يا كلبة اة انا ايدي كبار بس مش للدرجة دي
المهم
تعالوا اقولكم الاشياء الي هانحتاجها عشان تجبوها
هانعمل المقدار كيلوا فراوله
ولو ان بالتاكيد لو هاتعملى كترى شوية يعني 3 كيلو علي الاقل عشان تستاهل الدوشة يعنى
المهم
كيلوا فراولة كيلو سكر علبة جيلي فراوله او ملعقتين جيلي باودر خام
بالتاكيد غسلنا الفراولة و وضبناها نجيب بولة بلاستك مثلا
ونحط بها شوية سكر و ثم شوية فراولة و ثم سكر طبقات يعني لحد ما الكمية تخلص و نغطى و شها من فوق بالسكر و نسيبها اد اربع خمس ساعات اوقات انا اعملها من بليل و اسييبها فالتلاجة للصبح
هانصحي الصبح نلاقى شكلها بقي كده
سردت ما ية كتير هانقلبها بعد كدة فمصفاة بقي و ناخد الماية بتاعتها مش هانرميها طبعاااااااااااا
هاتبقي عبارة عن ما ية نازلة من الفراولة و معاها السكر
ونسيبها تصفي ساعة كدة مثلا
في هنا بقي حاجة لطيفة انا عملتها المرة الي فاتت
انا ما باحبش الحاجة الي تبقي سكرها جامد جدا
و ثم بعد التجارب بقى
واسال نفسى يا تري يا هلتري المربي الجاهزة بتبقي متامسكة و لونها فاتح و مش مسكرة اوى زى المنزلي ؟؟؟
وبعد تجارب بقي و صلت لنتيجة معقولة جدا
اولا السكر مش باحط الكمية كلها سكر
باستعمل عسل البطاطس و هو لزج جدا جدا و سكرة قليل
ودة موجود عن بتوع لوازم الحلوانية بالكيلو
بالتالي انا بانقع الفراولة بنص كيلو سكر بس و ثم باضيف نصف كيلوعسل البطاطس بعدين
وكدة هاتبقي المربي مش مسكرة جاااامد اوى و كمان عسل البطاطس لزج جدا جدا لما يبرد هايديها تماسك
بس ما فيش مشكلة برضة لو ما لقتيش عسل بطاطس
حطى كيلو الا ربع سكر كفاية و نزود الجيلاتين شوية عشان التماسك
نيجي للخطوة الي بعد كده
انا هاخد الماية الي نزلت من الفراوله
واحطها علي النار زى الصورة دى و نسيبها تغلى لحد لما تنعقد زى الشربات بتاع الحلويات كده
واول ما تبدا تعمل رغاوى اكتر من الصورة دى شوية تبقي كدة خلاص استوت
لو كنا بقي عندنا عسل البطاطس و هانستخدة هانزودة دلوقتى عشان يبدا يتغلط و يسيح مع شربات الفراولة الي عملناه
وهانروح نجيب الفراولة بقي بتاعتنا و سقطها فشربات الفراولة المعقود ده
هاتبدا تغلى الفراولة كده
وتبدا تسرد ما ية كمان زيادة و تلاقى الماية فالحلة بدات تزيد
تاخدى نصف كوباية تقريبا ما ية من علي الفراولة و تدوبى بها كيس الجيلى بالفراوله او ملعقتين الجيلاتين
ندوبها كويس اوي
و ثم نزودها علي الفراولة تانى و نسيب الفراولة تغلي
حوالى ساعة الا ربع لحد لما تبدا ما يتها تنشف و نخلى بالنا اوي
عشان احنا عايزنا تطلع لونها احمر مش بني غامق
كل ما كانت لونها قريب للطبيعي تكون احسن
وبالتاكيد نهدى عليها النار و نكشف الحلة عشان البخار يطلع و ما تفورش علي البوتجاز
وكدة هي خلاص استوت
طبها هايصبح شكلها سايب لسة و شكلها مش المربي ما تتخضوش احنا حاطين بها جيلاتين لسة هايجمد من التلاجه
غير ان السكر نفسة و عسل البطاطس لما بيبردوا بيدوا قوام اتقل بكتير
بالتالي احنا هانسيبها تبرد و ثم لو كنا عاملين كمية هانعمبيها فبرطمنات ازاز بغطاء محكم و نحطها فالتلاجة اروع طبعا
لاننا مش مستعملين مواد حاظة و لا حاجه
وكمان ناخد بالنا لو كانت كمية كبار شوية اننا طول ما احنا بنعبيها نهز البرطمان عشان ما يبقاش ففقاقيع هوا جوا و دة يخليها تبوط خصوصا لو هاتسبيها برة التلاجة شويه
كمان لو حصل و لقتيها بعد ما بردت و حطناها فالتلاجة لسة قوامها خفيف اوى فحال انتي قدرتى غلط يعنى
مافيش مشكلة رديها علي النار تاني
ولو لقيتي الشربات بتاعها كتير اوي اوقات الفراولة بتسرد ما ية بزيادة حسب نوعها
انا بقي اعز كدة موت موت
لان باخد الماية دى من عليها و احوشها عندى و استعملها صوص فراولة فالحلويات و الايس كريم يا لهوى بتبقي رائعة جدا
والف هنا يا حلوين و يا حلوات
والي يجرب يقولي
والي عندة اضافات يتفضل
نرحب بالافكار الجديده يا ساده
