تحميل شعر عن مصر mp3

تحميل شعر عن مصر mp3



 

بحبك يا مصر

بحبك يا مصر و بعشق ترابك

والف المداين و ارجع لبابك

واحس بكيانى و كرامتى فرحابك

يقولوا فقيرة

يقولوا اسيرة

بشوفك اميرة

واحبك يا مصر

بحبك ملاية و منديل بقويا

مقالب من اختى و غتاتة من اخويا

ودعوة من امى تنسينى همي

وحكمة من ابويا

واحبك بنوتة علي البحر جاية

فى ساعة عصارى

ونسمة قبالها تطير فشالها

تبين جمالها و ترجع تداري

واحبك مراكب تعدى اللى راكب

لبر الامان

يدوب جوا نيلك و يعطش يجيلك

يقول لك كمان

واقابلك ببوسة فزفة عروسة

ولمة فبيتنا

مع و لاد حارتنا

تدق المزاهر ترد المزامر

تزغرد جارتنا نهلل نغني

وحلم التمنى ينور ليليتنا

واحبك زيارة لبيت عم سيد

دة اصلة فقير مش حيقدر يعيد

نعيد علية نفرح عنيه

ويدعيلنا دعوة بمليون جنيه

فى ارضك يحس الغريب

انة مصرى و احنا الاجانب

ويلقي الرعاية

ويلقي الحماية علي جميع جانب

ويمشى فربوعك

ويشبع بجوعك و يعمل مصايب

ويرحل و ينسي جميلك

ويقسي و يطلع يعايب

ويرجع تسامحي

يا ساكنة فملامحى يا ست الحبايب

ولادك بنوكى بروحهم فدوكي

ويشهد عليهم ترابك فسينا

ومنهم باعوكي

عشان الشيروكى و فيلا فمارينا

يعيشوا فخيرك

ويدوة لغيرك و لاد الذينا

ولو جار زمانهم يعودوا لمكانهم

يلاقوا السكينة

وتنسى جحودهم

وتبكى عليهم عنيك الحزينة

فى ارضك سرحت و فشلت

ونجحت و عشت ببساطة

صاحبت الحمام

ونمت فسلام و لو عالبلاطة

تغير فشكلى همومي

ومشاكلى لكن روحى لا

اعبر بغنوة و اقول نكتة روعة

لكن ياس لا

ما طيقش الغتاتة

وقلبى المسالم ما يعرف شماتة

واقول بالتلاتة

بحبك بحبك بحبك يامصر

 

  • بحبك يا مصر وبعشق ترابك والف المداين وارجع لبابك تحميل
  • تحميل شعر بحبك يامصر شعر
  • تحميل شعر حب شعر مصر


تحميل شعر عن مصر mp3