دوددا كانت شاطرة جدا جدا و ذكية جدا جدا و كانت فمنتهى الجمال و الرقة و كان جميع الناس بيغيرو منها لانة عسولة و رقيقه
بس الناس الشريرة بس الناس الكويسة كانت بتحب دوددا جدا
بلدهم كانت بلد هادية جدا جدا و بسيطه
كانت دوددا بتعمل ايس كريم فمحل على اول البلد و كان جميع الناس بتشترى منها و مكنتش بتحسب تكسب كتير يدوب اشياء بسيطة خالص
لحد ما الملك بتاع البلد مر مرة عليها و كان راجل شرير و مفترى و رخم
قالها عاوز ايس كريم و هى مكنتش تعرفو
اديتلو و احدة لقى طعمها رائع راح القصر بتاعو و قال : هاتلو دوددا هنا تعمل لى انا لوحدى ايس كريم و محدش تاني
راحت و لما عرفت اعترضت جدا جدا و قالت انا بعملو علشان افرح الناس كلها مش انت لوحدك بس هو رفض و قال لازم لوحدى و حبس دوددا لحد ما ترضي
الناس بدات تدور عليها فكل حتة و هما ميعرفوش انها مسجونه
ووحشهم الايس كريم بتاع دوددا و دوددا كمان و بردو مش عارفين هى فين
لحد ما فيوم جت خدامة من القصر و قررت تقول للناس كلها
والناس كلها عرفت اللي حصل لدوددا و انها رفضت تعيش فالقصر علشان تفرحهم و بتحبهم اجتمعو كلهم
وقررو يهجمو على قصر الملك
وفعلا حتى اللي كانو بيغيرو من دوددا راحو و كلهم هجمو على الملك الشرير و خلصو دوددا من الملك و رجعت تانى دوددا و فرحت جميع الناس و رجعت تانى تعمل للكل ايس كريم رائع و القرية عاشت فسلام و امان .