حوت فالفرن
هادى كيفية الايطاليين للحوت فالفرن كيجى بنين بلا شرمولة بلا و الو و يصلاح حتي لى متبعين ريجيم و ما بها باس مرة مرة نوعو عن الكيفية العادية لى كنعرفوها كل مشرمل و مع الخضر.
حاجتنا للحوت منقى و مغسول مزيان.
نمسحوة بالملح من الداخل و الخارج نفلحوة من الفوق بسكين و نبتو فية قطع الحامض علي هاد الشكل
الفرن الكيفية الايطالية شهوه
Uploaded with ImageShack.us
الفرن الكيفية الايطالية شهوة
فى طاوة الفرن نفرش و رق الالمنيون و نحط الحوت و نضيف من الفوق خويط من الزيت البلدية .
نغطى الحوتات بورق الالمنيوم و نخلو للفرن حتي يطيب راة مكياخدش و قت كبير.
ونشعل علية من الفوق يتحمر شوية و بالصحة و الراحه
الفرن الكيفية الايطالية شهوه
Uploaded with ImageShack.us
رافقت مع الحوت زعلوك هاهى طريقتي.
خديت دنجال شويتو فوق النار و درتو فبلاستيكة باش يسهال عليا نزول لو القشرة .
وشويت فلفلة حمرا و لويتها حتي هى فبلاستيكة . من بعد زولت لهم القشرة بلا منغسلهم باش يبقاو قابطين مذاق الشوي.
قطعتهم و عملتهم فمقلة مع زيت بلدية تومة مهروسة ربيع ملح ابزار كامون تحميرة و خلطت كل العناصر حتي طاب و قدمتو بالصحة و الراحة