شعر شعبى عراقى عن الفراق
شعر شعبى عراقى عن الفراق
هذة اشعار تحكى عن الفراق نوردها لك
گالو ما تجى و گالو عليك بعيد
ودرب كلش طويل البينك و بيني
شح منى الدمع گد ما بچيت اعليك
واعاتب بالگمر هلبت يواسيني
ظلم كلش ظلم تحيا و تموت بشوگ
وچا شنهو العمر من تذبل رياحيني
تعب حتي الورق حبر و دمع مخبوط
وحسرة و ى القلم تاذينى و تبچيني
صفة رسمك حلم عذب حنايا الروح
ومثل طيفك ابد ما شايف بعيني
نهر طولك عذب صافى و يرد الروح
وانة الميت عطش و بگطرة ترويني
اكتبلك شعر و اسطرلك الابيات
وانتة بلا بخت بالفرگة تچويني
قيس بعام و احد و تيبس من الشوگ
وانة سنين مرت ما غفت عيني
گلى شلون رايك و العمر محسوب
وچلمات الشماتة تگول ناسيني
طلابة و ى العشگ و ايامى كلهن ليل
وشمس حبك ظلم من ما تضويني
كافى من العتب راح اختم الابيات
واحچيلك سطر بى جميع عناويني
مثلك ما شفت و لا رايد و لا ريد
واحبك موت عنوان لدواويني
رى العمر مشوار تكضى ايامة و تعدي
ولو ادرى الوكت دولاب ياخذبينة و يودي
جا ما شمت الشمات بية و لا خنت و دي
ولاخليت دمعى يسيل تيزاب و حرك خدي
مو انتة الكلت اعوفك و اخلف بوعدي
اشو نصف الدرب يفلان و تبريت من عندي
لحيمى و دج علية الريش و جناحك كوة بجبدي
كل هذة التعب و الطيب ضيعتة و صرت ضدي
صدك ينسي الفكر و الضيم من يستغني لمجدي
بعد و ردة شبابى تفوح ما طاحت بمرض معدي
بعد حملى عدل ما مال ليش تعوفنى لوحدي
تدرينى خشب و بنار بفركاك رماد و ابدي
كل جرح يالم يطيب بس جرحك جرح يضل يدي
بعد شتريد من عندى شضحيلك بعد شفدي
ولو ادرى النهاية بهاى ما جنت بهواك ابدي
تعال لخاطر الله و خلينى ارتاح
من زمان ما شافتك عيني
ولك هم تشتاقلى بالغربة مرات
لو ناسى الذي بينك و بيني
لو تدرى الدمع ما فارق العين
ولا قلبى بغيابك مل و نيني
مشتاق انى الك ….. مشتاق انى الك
ولك قلبى محتام
هاى الارض ما توسع حنيني
يا همى و عذابى و حركت الروح
كضيت و يا الحزن احلى سنيني
هم عود انى اشوفك و اكعد و ياك
وك ابوس تراب جدمك منتجيني
- شعر شعبي على الفراك
- شعر شعبس حزين على فراق وغياب البنت