شوربة الاعراس الجزائرية

شوربة الاعراس الجزائرية

المقادير

فخد او صدر دجاجة + قطعة لحم غنم او بقر + بصلة كبار او 2 متوسطين مفرومة 3 سنات ثوم مفرومين

عود كرافس +طماطم مصبرة 2 معالق اكل

طماطم حب مرحية 2 حبات صغيرة تكونى فورتيها او غليتيها و ترحيها ملح و فلفل اكحل و زيت راس حار اخضر و كسبر مرحى اذا كنت تحبى طعموا و فريك جاهز

بالتاكيد و معلقة صغار غبرة فريك

التحضير

اغسلى اللحم و الدحاج جيدا و احطية فقدر و اضيفى له البصل و الثوم و الزيت و الفلفل اسود و الملح و الطماطم المصبرة و يمكن تضيفى كسبر مرحى انا ما نحطوش و تخلطى جميع شيىء و تخليهم علي نار هادئة يتقلاو حتي يذبل البصل و تنسايش تحركى ساعة علي ساعة

حتي تتقلي مليح ضيفى طماطم نتاع الحب و زيدى قلى شوية و امبعد امرقى بماء سخون و خليها تستوى حتي يطيب الدجاج و يقرب يطيب اللحم امرقيها بكمية من الماء و خليها تغلى و بعد ما تهز الغليا ارمى كوب صغير او نص كوب كبير من الفريك و الفلفل الاخضر اذا ما تحبيش الحار خلية مغلوق او استغنى عنوا و نقصى للنار و خلى الفريك يطيب علي الاقل ساعة او اكثر و ما تنسايش تحركى ساعة علي ساعة باش ما يعجنش الفريك كى تنشف امرقيها بماء ساخن و بعدين ضيفى غبرة الفريك و عود الكرافس و خليها تغلي 20 دقائق حتي تختار و طفى عليها

ماتخليش المرقة عاقدة الفريك بعد ما يبرد يتكاثف و حطيها فغميقة و زينيها بدبشة مقطعة رقيقة

• الحدث المنشى لضريبة لانتاج طماطم المصبرة