صينية الدجاج بالبصل

صينية الدجاج بالبصل

المقادير:فراخ متقطعة و متبلة باملح و الفلفل و ملعقة خل و ماء بصل بصل مقطع انصاف صلصة طماطم مكعبين ما جي التحضير:اول حاجة هنعمل للفراخ صدمة بمعنى


اننا هنسخن طاسة تيفال بها حبة زيت و نسيبها تسخن علي نار عالية و نحط الفراخ نديها لون من الجنبين و ثم نطلعها و نركنها على جنب فطبقالطبخ: نجيب البصل و نرش علية ملح و فلفل و كمون


وحاولي كتر كمية البصل لانها بتقل تقريبا للنصف و قت السوا


بعد ما رشينا على البصل ملح و فلفل و كمون و ننزل بية على الزيت اللي حمرنا فية الفراخ و يدوب بس ندبلة مش يحمر


نجهز بقا


كوب مية صغار مغلية و نحط بها ما جي و ملعقة صلصة و ملح و فلفل و كمون (والمية دي اللي هنزود بيها طاجن الفراخ بتاعنا ) بس انا هنا مزودة الكمية علاشان لما تحتاج ازودها


تاني حاجه


نجهز حوالي 3 ملاعق صلصة و نتبلهم بملح و فلفل و كمون علشان ندهن الفراخ قبل ما تدخل الفرن علشان تديني لون و طعم جمييييل


بعد ما جهزنا الفراخ و جهزنا البصل و جميع حاجه


نحضر الطاجن و نحط فية البصل و ثم نحط الفراخ المدهونة بالصلصة المتبلة و نزودة بحوالي كاس مية او اقل على حسب ما تحتاج بالنظر يعني بحيث ان المية متنشفش فالبصل قبل ما لفراخ تستوي و جميع فرتة بصي عليها لو احتاجت مية زودي شوية بشويه


تدخل على فرن ساخن


درجة حرارة عالية اول تلت ساعة و ثم نهدي الحرارة و نسيبها لغاية ما تستوى


ولما تستوي نطفي الفرن و نشغل الشواية تاخد لون


ووالف هنا