طرق اطباق ام عزيزان
البسبوسة اللى اسويها دايم يمدحون بها و يحبونها
وبعض مرات اسويها خصوصى حق اللى يطلبونها مني
وطريقتها سهله
يعنى من سنوات و انا دايم اسويها
وماحبيت ابخل عليكم فيها
لانكم حبايبى و الله
مقاديرها سهلة … و ما تاخذ و قت حق اللى يحبون السرعه
المقادير :
2 كوب سميد خشن
1 كوب جوز الهند
1 كوب حليب بودر
1 كوب ما ء
ثلاث ارباع كوب زيت
1 كوب سكر
2 بيض
ملعقة متوسطة باكنج بودر
ملعقة صغار فانيلا للبيض و اشوى خل
شيرة بالهيل و الزعفران
للتزيين: يمكن و ضع صنوبر عليها … او اللوز المبشور
الكيفية :
اخلطى البيض مع الفانيلا و الخل بالشوكة بدون الخلاط
ثم اضيفى عليها المكونات السائله
ثم المكونات الجافه
واخلطيهم جيدا بالملعقه
…. ادهنى صينية الفرن بالزيت
وصبى الخليط فيه
وضعى عليها الصنوبر … او اللوز المبشور
ثم ادخليها الفرن حتي تحمر من الاسفل بعدها اشعلى الفرن من الاعلي حتي تاخذ اللون الذهبي
طلعيها و اسقيها بالشيرة الباردة و هى ساخنه
فى ناس تحب تاكلها حارة و فناس تحب تخليها لما تبرد مثلي
- اطباق ام عزيزان