كيفية السويسرول و تحضيرها
المقادير:
5 بيضات
كوب و نص سكر
كوب و نص دقيق
ملعقة صغار فانيليا
2 معلقة صغار بيكنج بودر
الكيفية :
يضرب البيض جيدا
حتي يهش و يتضاعف حجمه
وضرب البيض هو اهم حاجة فنجاح السويسرول .
ونضع السكر و يضرب جيدا مع الفانيليا و الدقيق علي دفعات و بالتدريج كلما امكن مع اضاف البيكنج بودر .
وتدخل الفرن حوالي نص ساعة مع عدم فتح الفرن نهائيا
مقادير الكريمة :
ثمن زبدة صفراء
كوب الاربع سكر بودره
بيضه
فانيليا
يضرب الزبدة حتي يصير لونها ابيض فو عاء صغير
ونضع السكر و تضرب البيضة مع الفانيليا
تمام كده
نعمل مهلبية لوحدها مقاديرها كاس و نص لبن و يحلى
علي النار نضيف 2 معلقة نشا كبار حتي تتماسك
ملاحظة :لازم تكون مهلبية تقيلة مش زي اللي احنا بناكلها ما سكة شوية . و بعد ما تبرد تضاف لخليط الكريمة .
ملحوظة : لازم المهلبية تبرد لو و ضعت سخنة هتسيح الزبده
بعد خروج السويسرول من الفرن ( فصينية مستطيلة ) تترك لتهدا و يضع علي الوجة مربي و تلف و توضع فالثلاجة مدة ساعة حتي تتماسك .
بعد خروجها من الثلاجة تقطع شرائح .
بصوا بقة الخطوة دي فغاية الاهميه
ناتي بوعاء عميق و نضع فية كيس نايلون لحد الحواف
وترس شرائح السويسرول فالقاعده.. ثلاث شرائح.. و بعد كدة نرس علي الحواف و ناتي بالكريمة و نضعها فوق السويسرول و نضع قطع الموز و الفراولة او علي حسب الرغبة . ممكن الاستغناء عن الفراولة بس مش يمكن الاستغناء عن الموز
ناتي بقطع اخري بالتبادل مع الكريمة و الموز حتي نصل لاخر قطعة .
يمكن اضافة الكاكاو علي نص الكريمة لتصبح كريمة شيكولاته
واخر طبقة نهتم بيها اوي و نقفلها كويس لية بقة .
علشان هتدخل الثلاجة و بعد خروجها ناتي بطبق كبير و يقلب علية الوعاء .
لتصبح الثلاث شرائح القاعدة هي اول و احدة عند قلبها
