طريقة النجرسكو بالصور

هقولكم بقا الطريقه


انا جبت صدور فراخ و خليتها و قطعتها مكعبات


يعنى يمكن تجيبى نصف كيلو بانية و تقطعية مكعبات


وتتبلية التتبيلة بتاعت البانية العاديه


( بصلة كبار مفرومة + ملح + فلفل اسمر و التوابل اللى تحبيها )


وتسيبيها على الاقل ساعتين و ثم تحطيها فطاسة سخنة على النار


وتغطيها و تهدى عليها النار بتنزل ما يتها و تستوى منها و دى صورتها




ولما تستوى سيبيها علي جنب


*******


دى المكرونة الاصلية اللى بيتعمل منها النجرسكو


اسمها مكرونة شرايط زى الاسباجتى بس مبططة شويه


دة شكلها




ودى شكلها بعد ما اتسلقت







نجهز بقا الحشوه


ملعقة كبار سمنة فطاسة و على البوتاجاز


نضع عليها بصلة كبار مقطعه




ولما لونها يبقي ذهبى نضيف معلقة توم مفروم

تقلبيها شوية و تحطى فلفل اخضر مقطع







وتقلبى دقائق كدة من غير ما الفلفل يتهري


وتضيفى طمطماية متقطعه







تقلبيها تقريبا 3 دقايق لحد ما تبدا فالتسبيك كده







فاكرة بقا الفراخ المتقطعة اللى ركنناها بعد ما استويت


نجيبها بقا و نحطها هنا كده







ودة شكلها بعد ما قلبناها تقليبتين متقلبيش كتير هية مستوية اصلا




******


التجهيز للحشو بقا


انا جبت 1/8 جبنة رومى و فلفل اخضر و اسمر و بقسماط مطحون







هقولك هنعمل اية حالا


هنبشر الجبنة الرومى انا جبتها قطعة و احدة عشان تبقا سهلة و انا ببشرها




نجهز بشاميل زى العادى اللى كلنا عارفينة بس نخلية خفيف شوية عن بتاع المكرونة معلش نسيت اصور طريقتة بس اظن كلنا عارفينها

*********


هنا بقا هنبدا نرص الصينيه


نجيب المكرونة المسلوقة و نحط عليها شوية بشاميل و نقلبها




نقسم المكرونة نصفين و نحط نصفها فالصينية بعد ما ندهنها بسمنة و رشة دقيق خفيفه

نضع الحشو و نحط علية حلقات الزيتون



نحط باقى المكرونة النصف التاني







ونحط بقا الباشميل لحد ما نغطيها


نرش شوية بقسماط مطحون على الوش عشان تظهر من الفرن متماسكه






ونحط عليها الجبنة الرومى المبشوره







وعالفرن عدددددل


ودة شكلها بعد ما طلعت من الفرن


*****


***


**


*


*


*



وهنا لما قطعتها


شايفين متماسكة كيف





 


طريقة النجرسكو بالصور