الشاتوة دة اول كيك قابلني علي النت زمااان… بصراحة دورت علي اصلة كتير ما لاقيتش شكلة اختراع مصري هو سهل جدا جدا و اسهل حاجة فية ان مقاديرة يمكن تحفظيها كوباية من كلة و انه فكلة فالخلاط
والاسهل بقي انها كيكة منها بها يعني بتزوقيها منها مش بتحتاجي تعملي حاجة غيره
هي المفروض بالكاكاو انا غيرت كتييييير يمكن بدل ما تعمليها بالكاكاو تحطي بدالة كيس جيلي مثلا فراولة و تحطيها بدل الكاكاو و يمكن تزودي لون احمر يدعمها اكتر
ممكن بالتاكيد اي نوع جيلي انا بقولك علي اللي استعملته
ممكن بردة تبدلي الكاكاو باللبن البودرة و تبقي كيكة عادية مش بالكاكاو يعني مخمخي زي ما تحبى
المقادير:
كوب زيت
كوب سكر
كوب لبن(او كاس لبن مع ملعقتين لبن بودرة )
نصف كاس كاكاو خااااام من عند العطار مش نسكويك
كوب دقيق
2بيضه
معلقة صغار فانيليا
معلقة كبار بيكنج بودر
الكيفية بقي :
في الخلاط حطي اللبن مع السكر و الكاكاو و انزلي بالزيت سرسوب خفيف لحد ما تلاقي الصوص تقل ناخد من الخليط دة كاس و نشيلة علي جنب
و ثم نضيف علي باقي الخليط البيض و الفانيليا
و ثم فبولة ننخل الدقيق مع البيكنج بودر و نضع الخليط علية و نقلبة بعدها يوضع فصينية مقاس 22 مدهونة و مبطنة بالدقيق فرن يصبح سخن تقريبا 180 بتاخد من 20 دقائق لنصف ساعه
واول ما تظهر نضع عليها نص كاس الصوص و نتركها تبرد بعدها نضع الباقي يمكن تحطيها فالثلاجة الصوص هايتقل عن كدة شوية او قطعي كدة و كلى
