كيفية عمل العجينة اليابانية
العجينة اليابانية او ما يطلق عليها تانق زونق (مقدمة من طرف الطباخة نرمين الحداد )
المقادير
المرحلة الاولي
2 م مثل دقيق
1/2 كاس ما ء
المرحلة التانيه
2 و 1/4 كاس دقيق
2 م مثل حليب بودره
1/2 م ص ملح
1 م مثل خميرة فورية ناعمه
بيضه
1/2 كاس ماء دافئ للعجن
م مثل زبده
الطريقه
المرحلة الاولي
فى اناء على النار نضع الماءو الدقيق و نقلب كويس قوى علشان ما يكتل معانا هايتكون عندى عجينة شبة لينة ننقلها فطبق و نغطيها بالبلاستيك علشان ما تعمل قشرة زى ما بنتعامل مع الكاسترد
المرحلة التانيه
فى العجان نضع جميع المقادير و معاهم العجينة اللي عملناها علي النار و هي دافية ما عدا الزبدة و الميه
بالتدريج ننزل بالمية لغاية ما تتكون عجينة فالاول هانحس انها بتلزق لكن مع العجن هاتتماسك و تلمع و بعد كدة اضيف الزبدة و اروع اعجن لمدة لاتقل عن 10 او 12 دقيقه
بعد كدة انقلها فطبق عميق و اغطيها و اسيبها فمكان دافي
و لما تخمر نقدر نشكل منها اشياء كتيييير و اهمهم العيش الفينو و الكيزر و غيرها كتير
النتيجة جميلة لان العجينة بتبقى زى القطن و ناعمه
و ان شاء الله هاعمل لكم منها عيش حلو قوى بالسمسم هايعجبكم
