كيفية عمل العيش الصاج
لكل فتوكات عايزة تجدد العيش بتعها احلي ابتسامة
اية رايكو نعمل عيش صاج مع بعض
كيفية سهلة و طعمة تحفة يمكن تحطى فشوارمة او فراخ او كفته
او اي حاجة انتى عايزة بس بجد تحفة و الله و انا مجربها
بس ما تنسوش التقيم
عيش الصاج زى اللى عند شاورما ابو ما زن
“المقادير”
2 كاس دقيق
3\4 كاس لبن دافئ
2 معلقة كبار زبادي
ملعقة صغار خميرة فوريه
ملعقة صغار سكر
نص معلقة صغار ملح
” الكيفية ”
احط الخميرة و السكر على اللبن و اقلب لغاية ما تدوب تمام او اغطيهم و اسيبهم 10 دقيقة لحد ما يخمر
و ثم احط الدقيق و علية الملح و علية الزبادى و اللبن و اقلب لغاية ما توصل لعجينة طريه
و ثم احط معلقتين زيت علشان ما تلزقش
و اغطيها و اسيبها لغاية ما تخمر و يتضاعف حجمها
و ثم اقطعها كور صغار و افردها بالنشابة على رخامة مرشوشة دقيق
(لومعندكيش نشابة مش مشكلة اي ازازة مدورة تفى بالغرض)
لغاية ما تكون دايرة متوسطة الحجم
و علشان اسويها
لو عندك صاج فالبيت
حطية على النار على البوتاجاز من فوق
و حطى علية العجين و لما يحمر اقلبى للوجة الاخر
انا باة معنديش صاج
فبجيب الصينية التيفال و اقلبها على و شها على النار و استعملها على انها صاج
(بالتاكيد على العين الصغيرة فالبوتاجاز)
و ما تخافوش الصينية مش هيجرالها اي حاجة
بالهنا و الشفا
