كيفية عمل الكوارع و فتة الكوارع المصرية بالصور
يتم غسل الكوارع بدقيق و ملح للاحتياط
بعض التوابل الاتيه
2عود قرفة (دارسين)
ورق لورا
قرنفل(مسمار)
فلفل اسود
ملح
جنزبيل ناعم رشة خفيفه
بصلة مقطعة اربعه
الكيفية
نضع الحلة علي نار بداخلها ماء لحد الغليان و ثم نضيف الكوارع اوالمقادم مع جميع التوابل السابقة
تترك علي النار حوالى من ساعتين الي ثلاثة ساعات حسب الحجم
تعالو نجهز الفته
نحمص العيش البلدى المقطع مع معلقة سمنة بلدى و 2 فص ثوم مهروس تتحمص اما علي النار او فالفرن
و ثم نسخن الطاسة و نضع بها معلقة سمنة و ثم الثوم مع رشة خفيفة كسبرة ناعمة
حتي يحمر الثوم و ثم نضيف 2 معلقة خل و بعدة كدة نضيف الطماطم المعصورة حوالى حبتين حتي تتسبك
ناخد 2 معلقة من الصلصة نضفها علي العيش المحمص و نقلبها و ثم نضيف شوربة الكواااارع
نغطيها و نتركها جانبا مدة بسيطة حتي يتشرب العيش من الشربه
ونغطي طبق الفتة بالارز الابيض
وباقى الصلصة مع شوية شوربه(كبشة فقط)نغليها مع بعض و نضفها فوق الارز
الكوارع بالتاكيد استوت كويس علشان تكون لذيذة نطلعها من الشوربة و نصفيها و ثم نحمرها
فى 2 معلقة سمنة بلدي
ودة شكلها النهائي يا رب تعجبكم