طريقة عمل قاطو البيضة

كيفية عمل قاطو البيضة

حلوي البيضه

///////////////

المقادير:

250غ مرغرين بحرارة الغرفه

60غ سكر رطب

100غ نشا

بيضة +صفار بيضه

فاني

نصف م ص خميرة ما نكثروش حتي الحلوي تحافظ علي شكلها

فرينه

للحشو:

روعة الترك يمكن نعمل نواد كوكومرحى و نلمة بالمعجون و نضيفلة ملون اصفر حتي ياخذ لون مح البيضة .

الطلية :

سكر رطب من النوع الجيد انا استخدمت المرجان

ماء معدني

ماء الزهر

عصير ليمونه

كمية من النيسكافية مذوبة فالماء

ملون برتقالي

نحتاج كذلك الى

ملمع فضي

ورق الطهى لصنع عش البيضه

الكيفية :

نحضر عجينة الصابلي

نخلط المرقرين مع السكر بالخلاط بعدها نضيف البيضة و صفار البيضة و نحرك بعدها الخميرة و الفانى و النشاء و نلم

بالفرينة بلا ما نعجن حتي نتحصل علي عجينة متماسكة ما تكون طرية ما تكون يابسه

نشكل كويرات من العجينة بحجم 30غ و لى حابة حجم صغير تعمل 25غ نحشيها بشوية من روعة الترك نعاود نغلقها و نكورها

لتشكيل ذلك الحلوي يلزمنا مول راة متوفر فالسوق شفاف و بيضوي

ولى ما عندهاش يمكن تعوضة بعلبة بيضة شكولة كيندر

نحط داخلة كيس بلاستيكى حتي يسهل نزع الحلوي بسهوله

نحط الكويرات المحشية داخل المول و نضغط عليها حتي تاخذ شكل البيضه

حطها فالصينية خاصة فيها شكل البيض نملا مول الصينه

ندخلها للفرن تطيب علي 180د

خليها تبرد تماما من بعد نحضر الطليه

الان نقوم بتحضير الطليه

هذا المرة عملت الطلية بدون بياض بيض لان كيما سبق و خبرتكم ان هو لى يخليها تبس بالخف

فى اناء نحط السكر الرطب يصبح مغربل و نضيفلو ماء الزهر حتي نتحصل علي عجينة نعجنها شوية باليد

نضيف عليها عصير ليمونة و نحرك باليد

نضيف شوية من الماء المعدنى حتي نتوصل للقوام المناسب

بعدين نضيفلها كمية من النسكافية المذابة فالقليل من الماء و شوية ملون برتقالياو ممن ابيض ….. حتي نتوصل للون المناسب للبيضه

فى ذلك النوع من الحلوي لى يذوب فالفم من الاقوى ناخذ مشبك و نحط داخل صينية نحط حبات الحلوي فوق المشبك و نهز الطلية بالملعقة و نحطها فوق الحلوي و نحرك المشبك حتي تهبط كمية الطلية الزائدة بالتاكيد نعاود نستعملها مرة اخر

نترك الحلوي تنشف تماما من بعد نلمعها بالقليل من الملمع الفضي

حتي نزيد من جمالية الحلوي و تخرج و كانها بيضة حقيقية نعملها اعشاش

ناخذ و رق الطهى و نفوتة فالماشينة فجهة الرشته

نحط الحلوي فليكيسات ناخذ كمية من الورق لى حضرنا نلفة حول نفسة من بعد نحط ساير داير علي البيضة و نقدمها