كيفية عمل سمك فيلية مقلي
و رحمة الله و بركاتة النهاردة ان شاء الله هقدملكم و صفة سمك سهلة بسيطة لذيدة و سريعة و هى السمك البانية او السمك الفيلية المقلى يالا نبدا:
المقادير:
-500 جم سمك فيلية انا استعملت فيلية سمك قرش و يمكن اي نوع ينفع
-بصلة مقطعة شرائح
-3 فصوص ثوم مقطعة شرائح
-ملح و فلفل اسود و كمون و كزبرة و كركم و بابريكا او اي توابل تحبيها
-عصرة ليمونه
-نص كاس بقسماط
-نصف كاس دقيق
-بيضة و ربع كاس لبن حليب و ملعقة صغار خل و رشة ملح و فلفل اسود
الطريقه:
-نقطع السمك شرائح طولية او اي تقطيع مش هيفرق
فيلية سمك قرش
-نحط شرائح البصل و الثوم و عصرة الليمونة و التوابل على بعض و نخلطهم كويس
بصل و ثوم
-نتبل بيهم السمك
نتبل السمك
-نحط السمك فكيس و نحطو بالثلاجة ساعتين على الاقل و لو اكتر يصبح افضل
سمك متبل
-نجيب طبق و نحط فية البيضة و ربع كوباية اللبن(الحليب) و ملعقة صغار خل و رشة ملح و فلفل اسود
بيضة لبن
-وطبق تانى نحط فية نصف كاس بقسماط و نصف كاس دقيق انا استعملت دقيق اسمر و لو استعملتو ابيض مش هيفرق و نحط شوية ملح و فلفل اسود و كمون و كزبرة و كركم
بقسماط
-نقلب خليط البيض و الدقيق
كيفية عمل السمك
-نطلع السمك من الثلاجة و ناخد و احدة و احدة ننشلها من التتبيلة و نحطها بالبيض و ثم نحطها فخليط البقسماط و الدقيق من الجانبين بحيث تتغطى كويس و هنا اما خلصت الكمية كلها
-Processed with Moldiv
-ندخل السمك بالثلاجة نصف ساعة على الاقل عشان ميفكش بالقلى و ثم نقلى السمك فزيت غزير و يصبح سخن يعنى لازم يعمل تششش بس اوعو تحرقو الزيت و اما ياخد لون اقلبوة على الناحية التانية و ثم طلعوة يتصفى فمناديل مطبخ
نقلى السمك
-هنا اما خلصت الكمية كلها
فيلية سمك مقلي
-ونقدمو و بالهنا و الشفا :)))بالتاكيد بيتقدم مع ارز ابيض و سلاطه
فيلية السمك المقلي
-والى اللقاء فمقال احدث باذن الله :) فامان الله :)
