علاج الشعر الجاف المجعد الهايش
استكمالا لسلسة المشاكل اللى تخص البشرة و الشعر
موضوعى النهاردة خفيف و بسيط عن الشعر الخشن و المجعد و الهايش و الجاف
بالتاكيد فتيات كتير بتسالنى اعمل نوع اية فرد خصوصا قبل فرحها
رايى فالمقال دا معروف
الفرد بانواعة مضر.. عارفة انه ضرورى خصوصا مع الشعر المجعد
سواء الحنة السودا او فرد الجلات او فرد الكيراتين او اي نوع فرد
حتي فرد الكيراتين تعتبر نسبة الفورمالين فية اقل من اي فرد تانى لكن برضة فية مضرة علي الشعر اي نعم هو اقلهم ضررا
وفية نوعيات بيقال ان ما فيهاش فورمالين خالص و انها بس بتعالج .. رايى ما عتقدش ان فية نوعيات كدا لان لو فية كدا فهى مش بتفرد و مفعولها هايروح بعد شهر
المهم
اى عروسة مثلا بتسالنى هاعمل فرد اقولها بلااش و لو لقيتها مصممة بقولها اتحملى انتى المسئولية يعنى انا نصحتك بلاش
لان الفرد يا بيصيب يا بيخيب
ولو خاب و ضر الشعر ما لوش علاج بتضطر تستني لما الشعر ينمو تاني
لان الشعرة اللى بتتحرق ما لهاش علاج
وبالتاكيد السشوار ممنوع تماما مشاكلة كتير جدا
والمكواة العادية اللى زى عند الكوافيرة نفس الشئ
مع كتر الاستعمال بتحرق الشعر و بتضره
بالتاكيد كلامى دا للاستعمال المتواصل
يعنى لو استعملتى سشوار مرة عادى ما فيش مشكلة للضروريات مثلا
طيب اللى هاتتجوز او متجوزة تعمل ايه؟
انا شايفة ان مكواة السيراميك تعتبر اخف حاجة مضرة علي الشعر خصوصا انها بتتعمل علي الشعر و هو جاف تماما مش مبلول
مش بقول انها مش مضرة .. لكنها اقلهم ضرر و بالتاكيد استخدامها ما يكونش يومي مع عمل حمام كريم مرتين بالاسبوع
..:.:.:.:..
المهم موضوعنا هو كيفية ترطبى بيها شعرك الجاف و الخشن و المنفوش و تنعمة و تعطية لمعة بكيفية طبيعية و مش مضرة
مش هاقول الكيفية دى بتفرد الشعر , لكن فعلا هاتلاقى فرق فنعومة الشعر و ملمسه
لازم الكيفية دى تستعمل علي الشعر و هو مبلول يعنى بعد غسل الشعر و هو رطب و مبلول بسيط يعنى بعد تنشيفة بفوطة فقط
