مقادير عمل الجمبري بالصوص
1- كيلو جمبرى و يفضل حجم كبير او و سط
2- بصلة كبار مقطعة شرائح رفيعه
3- 2 قرن فلفل اخضر او رومى مقطع شرائح
4- 3 فصوص ثوم كبار مقطعة او مفرومه
5- ملح حسب الكمية اللي تحبيها لو بتحبي ملف كتير او خفيف
6- معلقة صغار كمون + 2 حبات ليمون + معلقة كبار زيت ذرة او زيت زيتون او عادى
7- بقدونس مقطع شرائح باي كمية تحبيها
ثانيا طريقة تحضير الجمبري اللذيذ :
اولا ننظف الجمبري و نقشرة بايدنا و هو تقشيرة سهل مش متعب
بعد التنظيف و التقشير يغسل الجمبري جيدا بالماء و يصفي الماء و تتكرر العملية الي ان ينضف الجمبري كويس
بعد التنظيف نرش شوية ملح علي الجمبري و نعصر علية نصف ليمونة و نتركة فطبق او صينية مدة 10 دقائق
بعدين نجهز اناء و نحط بها المقادير كلها + نضيف علي المقادير كلها الجمبري + عصير ليمونة و نضع جميع الخليط فالحلة و نضيف نصف كاس ماء و نضعها علي النار مدة ربع ساعة و تغطي الاناء او الحلة كويس و بعد ربع ساعة هتتذوقي احلي طعم فالدنيا و هيطلع صوص يهبل و الجمبري نفسة هيصبح طعمة جنان و اللي تجرب منكم تقولي رايها و بجد هتدمنو الكيفية دي فعمل الجمبرى
انا بقي لما عملتة اكلتة مع كشري مصري و كان الجمبري مع الكشري طعمهم و انسجامهم مع بعض ميتوصفش