فراخ فالكيس الحراري
بصلة كبار مفرومة ناعم و عليها ملح و فلفل و عصير ليمونة كبار (عشان تنزل ميتها )
1 م مثل خل – 3 م مثل زيت زيتون او ذره
2م ص كاري -1م ص بابريكا روعة – ربع م ص شطة – 1/2 م ص كركم
1م ص من كسبرة ناعمة – كمون – جنزبيل -بهارات دجاج -ملح – بهار مشكل
المفروض ان الوصفة بها توم و جنزبيل فريش و فلفل اخضر
انا استغنيت عنهم و حطيت البصلة و جنزبيل بودرة و يمكن توم بودرة لو حبيتى
نحط الزيت و الخل و جزء من ماء البصل علي التوابل كلها و تبقي بالشكل ده
نعمل مساج للفرخة الروعة دي بنص كمية التوابل و ندلكها كويس جدا جدا زي العروسه
بين الجلد و اللحم و من الداخل و الخارج
الجزء الباقي من التوابل حطيت علية البصلة و كررت تاني المساج و دلعتها جدا
وخليتها فالتلاجة من بالليل للصبح عشان تبقي فلة شمعة منورة و ريحتها تهبل
هنحضر الخضار حسب الرغبه
جزر صغير – بطاطس ارباع – بصلة مفرومة خشن – حبة طماطم و يمكن كوسه
الخضار بيصبح حجمة كبير عشان ما يتهريش
هنحط جميع اللي عملناة فالكيس بدون اي حاجة لادهون و لا دقيق
ونحط فداخل الفرخة جزء من الخضار و البصل
ونحط الكيس فصينية عالية الحواف و نقفل الكيس بالقفل المخصص و نقص الزياده
ونقص الكيس من فوق او نخرمة بالسكينة من فوق فقط باكرر تاني اهو
عشان نسمح بخروج البخار و هتلاحظي ان الكيس انتفخ جدا جدا فالفرن
هندخلة الفرن الرف الاسفل نصف ساعة و ثم تهدي النار و تسيبية ساعة كمان
يعني ساعة و نصف و يصبح جاهز ان شاء الله
لو الفرخة اقل من كيلو يبقي الوقت اقل
