طريقة تحضير قلب اللوز
المقادير
500غ سميد خشن
400غ سكر
قرصة ملح
1فنجان زيت نتاع قهوة الصغير مش الى حجمهم كبير بزاف
ماء الزهر +ماء
الشيربات
200غ سكر و نص لتر ماء و عصرة ليمون اي ربما مغرف اكل
فوق نار …كى يغلى طفى علية ما لازمش جى عاقدة و اذا حبيتى تعطرية بماء الزهر تانى نورمال ربما 4 ملاعق
نضع السميد
نضيف السكر
ثم الملح
ثم فنجان نتاع الزيت
نخلط الكل جيدا
ثم نولى نشمخو فية بماء الزهر اذا كنتى من محبية ريحتو فقلب اللوز شمخى غير بية اذا ما كنتيش من محبين ريحتو بزاف خلطى ماء الزهر مع الماء و هون منقدرش نحددلك كمية لانو علي حسب نوعية السميد نتاعك كاين الى يشرب و كاين الى ما يشربش المهم انت شمخى و خلطى مليح حتى تقدرى ديرى كويرة
ليكى حتى تقدرى تشكلين كويرة فما حبسي
غطية بكيس بلاستيكى و غطاء من القماش و خلية يبات غدوة من ذاك
-اشعلى علي الفرن نتاعك
– ذوبى القليل من الزبده
ادهنى السينية نتاعك بالزيت
جيبى الخليط نتاعك خلطية مليح اذا لقيتية شرب و لقيتية ناشف زيديلو شويت ماء الزهر او ماء حتى تانى يتكور فيدك
حطية فسينية نتاعك بلا ما تضغطى علية او تخبزيه
ديرى كيس بلاستيكى فيدك و اغطسيها فالزبدة و ادهنى بيها سطحها و سقمية مليح بلا ما تضغطي
قطعية و زينية من فوق بحبات اللوز او كوكاو و اذا ما عندكش الله غالب ما ديريش هههههه
ادخلية الفرن علي نار هادئة باش يطيبلك غاية كى يحمار من تحت و ذلك راة يبانلك علي حواف السينية نتاعك
نزلية التحت و حمرية من فوق تانى علي نار هادئه
كى يحمار فرغى علية الشيربات بارده
شوى شوى و هو يولى يشرب كى شرب زيديلو شوى خلية عايم من فوق و اطفئى علي الفرن نتاعك و رجعية لية مدة 5 ذ و اخرجية يبرد
قطعية و خلية يبرد و يشرب فغرضو من الاقوى حتى للعشيا او غدوة من ذاك يتقطع
- كيفية تحضير قلب اللوز
- قلب لوز
- طريقة تحضير قلب اللوز
- طريقة عمل قلب اللوز
- كيفية عمل قلب اللوز
- انواع قلب اللوز
- كيفية صنع قلب اللوز الجزائري
- بسبوسه شيف لطيفه
- بسبوسة بسميدة زرع و لقمح بلا حليب
- البسبوسة السورية بالقشطة
