وصفات من المطبخ المغربي
كيفية المقلوبة بالدجاج
ناخد الدجاج و نضيف البصلة شنايف رقاق و الزيت الرومية و البلدية + ملح + ابزار+ كامون + تحميرة + سكنجبير+ خرقوم بلدى + زعفران حر+ راس الحانوت د المروزية + شوى د مطيشة د الحك + معدنوس
نشحرو الكل و نرويو و فاش يطيب الدجاج نزولوة و نتركوة يبرد و نخليو المرق حتي يختار مزيان كيف الصوره
ونرجعو ناخد الفلفة و نشويوها و نقطعوها مربعات صغيرة و نشحروها فالزيت البلدية شوى كامون و ملح حتي تنشف من الماءوناخد البطاطا و نقطعوها دوائر و نقليوها (والا كان الدنجال نقشروة و نقطعوة طرونش صغيرة و رقاق و نقليوه)
ثم ناخد الروز (لكل كوب روز كوب و نص ما ء) +زيت رومية +ملح+ابزار+زعفران حر+شوى راس الحانوت+قبصة قرفة و نخليو الروز حتي يطيب ينشف و نرجعو نقليو الدجاج اوندهنوة بالزبدة و ندخلوة للفرن بعدها ناخد انية غارقة و نغلفوها بالالمنيوم و نستفو بها الدجاج و الفلفة و البطاطا و حتي الدنجال الا درتية و نغطيو بنصف الكمية د الروز و نعاودو نستفو الخضار و نفرقو لاصوص د الدجاج بالمعلقة و نغطيو بالنصف الاخر د الروز و نقلبوة فطبق التقديم و نرشو باللوز ايفلى محمر الا بغيتى و تقدميها مع سلطة
