المقادير
فى صحن كبير ديرى ثلاث بيضات مع نصف كوب اينوكس زيت و معلقة كبار خميرة خميرة الخبز و مغرف ملح و مغرف كبار و نص سكر زيدى فوقهم كوب و نص حليب سائل دافى و نص الكاس ماء زهر يعنى زوج كيسان اينوكس بين الحليب و ماء الزهر خلطى الكل مليح مليح بالباتور و زيدى 1كلغ بالضبط فرينة من دون زيادة و لا نقصان و زيدى 1خميرة نتاع القاطو و مغرف ثانية = من خميرة الخبز خلطى من غير ما تعجنى بملعقة خشبية رح تتحصلى علي عجينة تلصق خليها فنفس الصحن و غطية بكيس بعدها بمنشفة و خلى العجينة تتخمر نص ساعة فمكان دافيء ادهنى زوج سنيوات نتاع الفرن بالزبدة و ادهنى يدك مليح بالزيت و اقسمى العجينة علي السنيوات الزوج زيدى ادهنى يدك و حلى العجينة فالسنيوة حتي تولى قيسها سقميها مليح راهى تاخد شوية و قت لان العجينة طرية بزاف و ايلاستيك ادهنى الوجة بصفار البيض و رشى الجلجلان و السينوج زيدى خليها تتخمر مرة تانية ربع ساعة و هدا امر مهم و يعمل فرق بعدها انقبى القرصة بفرشيطة و دخليها تطيب ما تاخدش و قت كثير
ملاحضة استخدمى الزيت فيدك لان العجينة شوية سائلة و تلصق فيدك ادا ما تستخدميش الزيت تغلبك معاها
ادا ما تحبيش الخبز الخشين نقصى شوية من العجينة قبل ما تحطيها فالسنيوات تتحصلى عاي زوج قرصاتكبيرة و قرصة صغار اعطيهالى ليا ههههه
هاد الكمية تعملك زوج قرصات كى يجو و لادك و لا يجيوك الضياف يخلصوهم فزوج دقيقة لانهم فعلا كالقاطو
اى استفسار انا فالخدمة
- خبز الدار بالسميد
- خبز الدار قطن
