وصفة سهلة للعشاء



جارتى بطبوط معمر بالكنصة ديال البيبي


جارتى عندك الكنصة ديال البيبى فالثلاجة و بغيتى ديرى بيها


شى شهيوة زوينة و بنينة فنفس الوقت و تعجب الكل هاهيا


جارتى العزيزة كنتمني تجربيها لانها كتعجب الكبار و الصغار


بطبوط معمر بالكنصة ديال البيبي


نبداو بسم الله


مقادير بطبوط معمر بالكنصة ديال بيبى :


مقادير العجين:


250 غرام طحين فورص


250 غرام طحين قمح


شوية الخميرة ديال الخبز


ملح


ماء للعجن


مقادير الحشوة :


500 غرام كنصة ديال البيبي


بصله


كمون


ابزار


تحميره


ربيع مقطع


ملح


ضامة البنة ديال الدجاج


زيت للقلي


فرماج ساندويتش


كيفية تحضير بطبوط معمر بالكنصة ديال بيبى :


كنبداو بالعجين كنخلطو الطحين فورص و القمح و


الملح و الخميرة و ندلكوها مزيان و نخليوها تخمار


وملى تخمار نسرحوها فوق طبلة

و نقطعو بشى كوب او جبانة

ونخليوهم يرتاحو مدة من 10 تال 20 دقائق و نطيبوه


وندوزو نوجدو الحشوة دابا نقطعو الكنصة طريفات صغار


ونديرو فمقلة الزيت و نقطعو البصلة و نشحروها و نزيدو عليها


الكمون الابزار و التحميرة و الربيع و الملح و ضامة البنة

ونخليوها تقلي في 20 دقائق تقدرى تحتاجي


اكثر او اقل ديال الوقت باش تنضج الكنصه


من بعد نفوكو البطبوط ديالنا و نعمروة بالحشوة

ونديرو من الفوق فرماج ديال السندويش

وهاهوا جارتى بطبوط معمر بالكنصة ديال البيبي


جاهز كنتمني تجربيه

و لا تنسونا من دعائكم جاراتى الحبيبات .


وصفة سهلة للعشاء