وصفة قلب اللوز الجزائرية
المقادير :
-1/ للعجينة :
– 1 كلغ سميد حرش
– 500 غ سكر مغربل
– 200 غ زبدة ذائبة او سمن و تكون باردة شوية اي دافئة ( انا استخدمت السمن)
-1/2 كوب ماء زهر
– تقريبا كوب ماء بارد
– رشة قرفة بودره
للشاربات :
-500 غ سكر عادي
– 1 ل ما ء
– فنجان ماء زهر
الحشو :
-3 كيسان كاوكاو مطحون او لوز
التحضير :
– اول خطوة لازم نحضر الشاربات ندى كسرونة ندير بها سكر + ماء و نوضعها فوق نار متوسطة و نحرك شوية باش سكر يذوب و ما يلسقش
– من بعد كى نشوف بلى سيرو بدا يغلى نحسب 15 د من بداية الغليان و نطفى علية و نخلية فمكان عادى حتي يبرد شوية اي يدفا
– من بعد نضيف لية فنجان نتاع الماء زهر و نخلية علي جنب
– ثاني خطوة نروح لتحضير العجينة ندى قصعة متوسطة ندير بها سميد + سكر و نخلط الكل لمدة 5 دقيقة باش سكر يدخل فسميد و ما يوليش يبان
– من بعد 5 د نبدا نضيف فزبدة و لا سمن بالتدريج و نخلط ما نعجنش كى شغل رانا نحضرو فكسكس و نخلط لمدة 5 الي 10د باش ينسجم الخليط مليح
– نخليها ترتاح لمدة 20 دقيقه
– بعد هذة المدة نرشها بالماء الزهر بالشوية حتي تتخلط العجينه
– نبيتها ليلة كاملة اونخليها فالثلاجة لمدة ساعة كاملة بالتاكيد نغطى العجينه
– فاليوم الموالى نخلط العجينة بيدينا نلقاوها نشفت شوية من سطح نخلطها و نذكر دايما لازم ما نعجنش لازم العجينة تكون كالرمل اي كالكسكس
– نرشها بالماء البارد حتي تصبح العجينة طرية ( ما نكثرش الماء حتي تتعجن رش الماء يصبح بالتدريج و نتحسس من العجينة )
– نضيف القرفة الي الخليط و نخلط ¼ مغرف قهوة
– ندى سنيوة قطرها 36 الي 40 سم تكون مدهونة مليح بالزبدة و نقسم الخليط الي 2 نفرغ الاول ما نضغطش علية ندير الكاوكاو او اللوز و نزيد نضيف الخليط 2 بلا ما نضغط علي العجينة
– ناخذ سكين نقطع العجينة علي الطول و لكن علي العرض نرسم المربعات ما نقطعهاش
– نزين بحبات لوز او الكاوكاو و نتركها ترتاح لمدة 10 د قبل ما ندخلها الفرن
– الفرن يصبح سخن 20 د من قبل ندخل القلب اللوز علي نار هادئة بلا ما ندهن السطح
– كى نشوف بلى بدا ياخذ اللون الوردى مع الجوانب الصينية نخرجوة من الفرن و مباشرة ندهن و جهة بالسمن او زبدة ذائبه
– نعاود ندخلوة للفرن و نخلية يكسب اللون ذهبي
– كى يجهز نطفى الفرن و نخرجومن بعد مباشرة نسقية بالشاربات اللى كنت حضرتها من قبل لكن ما نسقيهاش كلها نخلى كوب منها
– نعاود ندخلو الفرن يصبح مطفى و نخلية يشرب السيرو ديالو لمدة 10 د من بعد نعاود نخرجو و نسقية بالكمية متبقية و نعاود نخلية فالفرن لمدة 10د
photos-0008.jpg
photos-0009.jpg
– بعد هذة المدة نخرجوة من الفرن و نخلية فمكان عادي
– يقدم مع الشاي
- سميد قلب اللوز