1:09 صباحًا السبت 15 ديسمبر، 2018

طريقة عمل الكيكة الاسفنجية بالصور


طريقه عمل الكيكه الاسفنجيه بالصور

المقادير:

6 بيضات
3/4 كوب سكر ناعم
عصير نص لمونه
فانيليا
1 كوب دقيق
نص باكو كيك شيف او بيكنج بودر يعني ما يعادل معلقه كبيره

الطريقه:

حنضرب البيض كويس اوووووووووي بالمضرب و اضيف اللمون و الفانيليا و بعين اما يعمل فوليام احط عليه السكر و المضرب شغال عادي احط السكر شويه شويهولما يتضربوا و السكر يدوب و تشيلي المضرب تلاقي بيعمل زي عرف الديك كدا في العجينه و انتي بتطلعيه منها

اكون ناخله الدقيق كويس اوي مع البيكنج بودر و اقلبهم على بعض كويس و بعدين اجيب البيض و احط الدقيق شويه بشويه براحه خاااااالص و اقلب بالنمعلقه بقي هنا مبقاش فيه اعي للمضرب خلاص عشان مش تهبط منه بالمعلقه و اقلب من بره لجوه براحه و احط قيق شويه بشويه لحد اما الدقيق يخلص و يكون اتقلب كويس مع البيض

بجيب صنيه الكيكه و ادهنها سمنه و بعدين ارشها دقيق و اصب الكيكه فيها و امسك الصنيه و ارزعها دا على الرخامه براحه كام مره كدا عشان تطلع الهوا من جواها

طريقه الخبز:

تكوني مسخنه الفرن و احط الصنيه في الرف الى في النص على نار عاليه لمده 10 دقايق و بعدين اوطي النار اووووووووووووي تبقي نار هاديه كدا ححتاخد منك تقريبا من ساعه الا تلت ل ساعه الا ربع

اهم حاجه مش تفتحي عليها الباب خاااالص قبل على الاقل نص ساعه او اما تشمي ريحتها قبل النص ساعه ممنوووووع تفتحي عليها عشان مش تهبط لوام تشي ريحتها او بعد ساعه الا ربع افتحي الباب براحه خاااااااااااااالص و انغزيها بسلاكه سنان او عود كبرت او سنه سكينه رفيع او طلع نضيف مش فيه عجينه يبقي استوت لو طلع فيه عجينه يبقي هي محتاجه تقعد في الفرن شويه كمان قد 10 دقايق كدا و لا حاجه

ولما تستوي تطليعها و تقلبيها بسررررررعه على منخل سيلك او شبكه حاجه مفتحه مش على طبق يعني عشان تتهوي و تبرد

الكريم شانتيه:

1/4 كيلو كريم شانتيه عليه لبن او ما يه ساقعه و يضرب بالمضرب بتحطي نص كوبايه المايه الاول و تضرب حسيتي انه محتاج لسه بتزودي المايه شويه شويه لحد اما يبقي حجمه حلو و تحشي بيه الكيكه و ممكن ترشيها شويه بيبسي او ما يه كمبوت قبل اما تحشيها من جوه بالكريم شانتيه و بعدين تضيفي الكريم شانتيه و ترشي شويه جوز هند و تحطي النص التاني بتاع الكيكه عليها و تزوقي من فوق بردوا بالكريم شانتيه و كدا

 

1٬928 views

طريقة عمل الكيكة الاسفنجية بالصور