السلام عليكم
غادين تقولوا ليا صدعتينا بكيكه الككوط غادي نقول ليكم جربوها بطريقتي و غادي توليوا مدمنين عليها بحالي.فايت لي حطيتها ويني ماشي بالتفاصيل و بزاف د الاخوات طلبوا ليا المقادير و الطريقه و الكاس د العبار.
تلبيه لرغباتهن. ها طريقتي و مقاديري كتجي غزاله وفنه و رطبه بحال الجينواز وفازكه بوحدها بلاما تسقيوها و لي كلاها عندكم غادي يحماق عليهاو ميمشي حتى يطلب المقادير ديالها.
واقيلا كترت من الاشهار ياك ههههه
4 البيضات
ك ونص سنيده
ك صغير زيت
ك كبير و ربع ما طايب مخلط بنسكافي
3 م ك كاكاو
2 م ك خل (نسيت ما صورتو)
3 ك طحين
3 الخمارات
الكيسان باش كنعبر (فالصوره ) كبار شوي حنت كندير الكيك فالككوط الكبيره (6 او 8 لتر) هداك لي فيه سنيده قد قياس العنبه .
الطريقه
كندير سنيده و البيض و الخل و الزيت فمولنكس
كنخويهم فشي اناء و نزيد عليهم الطحين مغربل و الكاكاو و الخمارات
نخلط مزياااان
عاد نزيد الما طايب هو الاخير
ونعملها فالككوط مدهونه طبعا بالزبده و مغبره بالطحين
نصيحه
ديما طلعو الدهين ديال الزبده مزيان حنت الكيك كيبدا طالع تابع الزبده
نسدو عليها بلا صفاره على اصغر كانون و على عافيه مهييييييييله و متنساوش الحديده تحت من الككوط (ضروري)و نخليوها 40 حتال 45د (نقلبو بالموس واش طابت)
هاهي طابت
[/URL]
نحطوها فوق الشبكه تبرد (ما عنديش كنعدي غير بالغربال ههه)
نقسموها على 3
كناكد حتى تبرد عاد نقسموها باش ما تفرتتش حنت رطبه بزاف
كنوجد 2 بلاستيكات وحده فيها الشكلاط كحل و دانون والتانيه فيها الشكلاط بيض وغير شوي
الحليب باش يجي fondu )ايلا درناه بوحدا كيجي قاصح و كيتهرس ملي نبغيو نقطعو الحلوه )
كنديروهم فمقراج ديال الما طايب حتى يدوبوا على ما مونطينا الكيك
كنعمروها بالكريم باتسيير
كنفرشو تحت منها بلاستيكه ونخويو عليها ganach لي وجد وداب
وكنزوقوها بالشكلاط بيض مع الحليب او لي حبيتو انا يلا كانواجايين الضياف كندير الكركاع او اللوز فالجناب فالجناب
كنخليوها شوي حتى يجمد الشكلاط عاد نزلوها فالطبسيل
هاهي
من الفوق
من الاحسن نوجدوها فالليل كتصبح غزاله
ها ككتجي من الداخل
ها حقكم
نتمنى تعجبكم
لي ما فهماتش شي حاجه انا رهن الاشاره
في امان الله
