اضرارالبودره المائيه

لانهم شايفين او معتقدين انها اسهل ونسبه التغطيه عاليه وثابته طول اليوم،
طيب تعالوا نفكر شويه مع بعض…

معظم البنات بشرتهم دهنيه يعني مسام واسعه ..
طيب البودره المائيه عباره عن ايه :

اولا : تركيب اي نوع من مستحضرات التجميل بيكون عباره عن مجموعه اكاسيد
مضاف اليها بودره التلك عشان تتماسك
بس طبعا المستحضرات الغاليه و النظيفه و الماركات بتاعتها معروفه مكوناتها بتبقى من قلب الطبيعه اكتر من الصناعى و فى ماركات بجد مستحضراتها طبيه اكتر من انها تجميليه يعنى فى مكوناتها بتساعد على مد بشرتك بالنضاره و الحيويه

البودره المائيه زي كده ما تعملي كيكه مكونه من بيض
وزبده ..الخ وتمسكيها بالدقيق ..

البودره المائيه نفس الشئ
بودره مياه = عجينه حضرتك يوميا بتحشي بها مسام وجهك الواسعه وتسيبيها في التراب
والشمس تتفاعل على وجهك وتيجي حضرتك اخر النهار تغسلي وشك بمياه وصابون
عارفه انتي عملتي ايه في وشك

سديتى المسام بعجينه ولما جيتي تشليها شلتي اللي على السطح فقط وسبتي الباقي يدخل جوه يعمل اللي هو عاوزه… هتسالي يعمل ايه يعني؟؟ ببساطه ابتداءا من البقع وانتهاءا بالحبوب والخروم بعدها ده غير جراثيم السفنجه كمان مهما اتغسلت

ثانيا

في الشتاء بللي وشك بشويه مياه وسيبيه ينشف لوحده .. ايه اللي هيحصل؟؟؟
هيقشف وينشف ويقشر

بالاضافه للقشف الوش بيحصل له عمليه شد ويفضل مشدود طول النهار

وبعدين لما تيجي حضرتك تغسليه الجلد بيرجع لحالته الطبيعيه تعالي كده امسكي
قطعه استك وافضلي شدي وارخي فيها .. هيحصل لها ايه؟؟؟
ترهل وبالنسبه للجلد تجاعيد

مع الوقت شد وجذب في البشره النتيجه المحققه والمؤكده هي ظهور التجاعيد
وللاسف بتظهر بدري للاسباب كتيره ده واحد منها
و بتظهر الحبوب و الرؤوس السودا و مسام توسع اكتر و اكتر
وبعدين نرجع نشتكي وشي نشف .. وشي
بقع .. طلعلى حبوب .. بقى عندى بثور سودا .. وتجاعيد بدرى كمان

ماهى دى عامله زي البنك تفرحى اوى بالقرض اللى حتاخديه لكن بتسددى قده مرتين تلاته و فى اسوا الحالات 5 مرات نفس الحكايه بتجبوها علشان بتخفى و سهله ورخيصه لكن بعديها بايام حتدفعوا فلوس دكاتره و ادويه و حاله نفسه و ثقه بالنفس تقل و حاجه تقرف

ارجوكم كفايه بودره مائيه .. ارحموا وشكم ده نعمه من عند ربنا

وبجد البودره السايبه والاساس المضمون سهل التنظيف وبجد شكله بيكون نورمال كده وجميل وكفايه انه ضرره اقل جدا جدا