اكلات خفيفة بالصور

وبركاته

الكل يعرف اهميه وجبه الفطور بالنسبه للجسم ..

وخصوصا للطلاب والموظفين .. اما الي جالسين بالبيت ماعليهم ضيق متى ماقامو ياكلون شابوره مع كاس شاهي

عشان كذا لازم نركز عليها اكثر من العشا ..

وبعض الناس مايحبون الفطور لانهم حاطين في بالهم انه خبز مع جبن وكاس شاهي بس

تلقينها تقول اتصبر لين الغداء احسن ..

غلط .. واكبر غلط تفوتين وجبه الفطور ..
ومن ناحيه الرشاقه ..وجبه الفطور تعتبر الوجبه الاساسيه لتحرك عضلات البطن في الهضم .. لانها وجبه بعد الاستيقاظ من النوم .. فالجسم بيتحرك بدون كسل ..

معلومات بسيطه حبيت اطرحها واتمنى تستفيدون منها ..
نشوف مع بعض انواع وجبات للفطور ..

وتقدرين تغيرين بالمقادير .. الي تبي دجاج بدل اللحم او تونه ..

[ بيض بالمرتديلا ]

نقطع المرتديلا + فلفل بارد وندهن الكاسات بزيت ونحط الفلفل البارد ثم المرتديلا ثم الجبن ..

نخق البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه .. او بالمكرويف 3 دقايق ..

وتكون جاهزه ..

وبكذا تكون وجبه متكامله .. بروتين + كالسيوم + فيتامين من الفلفل البارد

وقدميها مع خبز وزيتون وكاس قهوه ..

[ فطاير الجبنه ]

علبه جبن [ يفضل فيتا ] او حلوم حسب رغبتك + 2 بيضه + 1\3 كاس صحين + فانيليا + سكر

نفصل صفار البيض عن البياض .. ونلخط الصفار مع 2 ملعقه صغيره سكر وملعقه صغيره فانيليا .. ثم نضيف الطحين والجبنه بعد تفتيتها ..

بياض البيض نخفقه لحاله حتى ينفش ..

ثم نضيفه ع العجينه .. ونبدا نصبه بالتاوه بعد دهنها بالزبده ..

دقيقه ثم نقلبها ..

وقدميها مع العسل او المربى ..

لو عندك فراوله طبيعي او مجمد حطي لك مقدار بياله مع 1\2ملعقه سكر ونص ملعقه خل .. ثم اهرسيهم وحطيهم على الوجه ..

او توت ..

ومع كاس حليب بتكون وجبه مثاليه ..

[ ميني بان كيك ]

الخليط هذا سريع ولا يحتاج بيض ولا زيت ولا حليب .. فقط مويه ..

جهزيه وهاتي قوالب اشكال .. وابدي الشغل . .

حطيهم ع التاوه وصبي الخليط فيها ..

وقدميها بطريقتك ..

[ فطور جيمي اوليفر ]

2 بيضه مخفوقه مع بياله حليب .. ونقليها

نقانق مشويه بالفرن مع حبه طماط بالفلفل الاسود والملح ..

تقدم مع الخبز الاسمر المحمص ..

اضفت لها زيتون وكاس شاهي يعدل المزاج ..

***

[ توست هولندي ]

توست اسمر محمص ومقطعه اطرافه ..

ندهنه بزبده وهو حار ثم نرشه بسكر بودره .. ونقطع حبات فراوله ونحطها فوقه ..

قدميه مع كاس عصير برتقال طازج وكاس كابتشينو .

نقدر نزينه بالنوتيلا علشان الصغار اذا حبوه بالشوكلاته

[ الكريب ]

2 بيضه + نص كاس حليب + ملعقه صغيره سكر + نص ملعقه صغيره ملح .. نخفقهم ثم نضيف لهم نص كاس دقيق

ونتركهم نص ساعه يتخمرون ..

نجهز القلايه وندهنها بشوي زبده او زيت ونبدا نصب الكريب مقدار بياله ..

حوالي 30 ثانيه ثم نقلبه ..

انتي وذوقك .. وش حابه تحشينه .. ؟

نوتيلا وفراوله ؟

مربى وزبده الفول السوداني ؟

جبن وعسل ؟

انا حشيتها عشقي .. زبده الفول السوداني + مربى مشمش حلواني

لفيها رول وقصيها من النص وقدميها ..

[ التوست الفرنسي ]
توست مقصوصه اطرافه + بيضه مخفوقه + بياله كريمه خفق او حليب + نص ملعقه صغيره فانيليا نخلطهم مع بعض ..

نغطس التوست بالخلطه ثم نحمرها على تاوه مدهونه بالزبده

ثم نقصها من النص ونقلبها في سكر باودر ..

وقدميه مع كاس نسكافيه ..
لو حبيتي اضيفي له جبنه وطبقيه ..

وبالف صحه وعافيه