انترنت مجانا بلوتوث
تشغيل الانترنت من الكمبيوتر الى الموبايل عن طريق Bluetooth
السلام عليكم
طبعا صارلي فتره ادور على برنامج بفتح نت عالموبايل بالبلوتوث للاجهزه اللي ما بيها واي فاي
وبعد ما جربت gnuboxاللي يحتاج شهاده او كسر حمايه وكلش معقد بس ماكان ناجح
وجربت برنامج Hiisi اللي هوا جافا ويحتاج برنامج جافا اتصل مره وبعدها ما نجح الاتصال
اليوم شفت برنامج جديد بموقع صيني طبعا طولت نص ساعه علما اتعلمت التسجيل بالموقع حتى اطيق احمل البرنامج!
بس هالمره كان شغال وممتاز وسهل وبما انه البرنامج طلع صيني فراح اشرحه بالصور:
اول خطوه لازم تعمل اقتران بين الموبايل والحاسبه وهاي شغله ما تحتاج شرح
ثانيا عالحاسبه
تفتح الbluetooth settings وتعمل بورت جديد
رقم البورت يختلف بين الحاسبات ممكن ان يطلع COM3 او4او5
افتح برنامج BluePoint 0.88.exe واختار نفس رقم البورت اللي عملته باول تشغيل راح تطلعلك شاشه صغيره حمراء دوس اوكي
ملاحظه :لتشغيل البرنامج كليك يمين واختار Run as administrator
ثالثا بالموبايل تعمل نقطه وصول جديده وسميها بكيفك مثلا Bluetooth
ادخل على نقطه الوصول خيارات وخيارات متقدمه رقم البروكسي 127.0.0.1
والبورت او المنفذ 5005
انقل البرنامج BluePoint 0.88.sisx وثبته عالموبايل (لا يحتاج شهاده )
من تفتحه راح يطلعلك اسماء اجهزه البلوتوث,اختار اسم حاسبتك
بعدها اترك البرنامج مفتوح وافتح المتصفح وخذ راحتك
