بيتزا سجق

طريقه عمل البيتزا بالسجق

الكميه تكفي:5 اشخاصوقت التحضير:30 دقيقه وقت الطهي:15 دقيقه المقادير:3 كوب دقيق
3 ملاعق كبيره زيت
1 و 1/2 ملعقه كبيره خميره فوريه
1 كوب ماء دافئ
2 ملعقه كبيره سكر
1 ملعقه صغيره ملح
الصلصه
حبه طماطم كبيره
علبه صلصه صغيره او كيس
3 ملاعق زيت
ملح وفلفل وسنه قرفه وسنه كمون وملعقه سكر صغيره
(ساعات بحط نعناع او روزمارى او ثوم ممكن كل مره تغيروا عشان النكهه تكون مختلفه )
الحشوه
اللى تحبوه على البيتزا
كل مره بحط حاجه
المره دى
حطيت شرايح سجق حلبى
زيتون
فلفل اخضر
جبنه موزريلا التحضير:1- بحط فى العجانه الدقيق والخميره والزيت والسكر والملح مع بعض
واسيبهم يتعجنوا 10 دقايق واعجنها بايدى بعد كده شويه
واذا هعملها يدوى من غير عجانه هايتعجنوا حوالى 20 دقيقه
2- بعد كده اسيبها تخمر حوالى ساعه الطبخ: 3- تجهيز الصلصه : 3 ملاعق زيت فى حله وبعدين نكون بشرنا الطماطم
ونخلطها بالصلصه ونحطها فى الحله
ونغطيها لغايه ما تتسبك ونحط التوابل بتاعتنا
4- الحشوه : هقطع السجق والفلفل الاخضر والزيتون
5- اجهز الفرن على درجه حراره 200 سيليزيوس (عاليه )
6- اجيب صينيتين وادهنهم بزبده ورشه دقيق
7- اقسم العجينه 2 وافردها بالنشابه واحطها فى الصينيه
وممكن من غير نشابه افردها فى الصينيه بايدى على طول
7- ادهن بالفرشه زيت على وش البيتزا وبعدين احط الصلصه ماتكونش سخنه
8- احط الحشوه
وارش الجبنه الموزريلا
9- ادخلها الفرن من 15-20 دقيقه