خطوات استقدام زوجه للسعوديه
خطوات استقدام الزوج المصري لزوجته المصريه الى السعوديه
الخطوه الاولى :
(تتم في مصر ويقوم بها الزوج )
التصديق على قسيمه الزواج ( قسيمه واحده بس )
نبدا اليوم بسم الله ونتوكل على الله ونروح اقرب محطه مترو ونقطع 6 تذاكر مترو
9.00 صباحا ننزل محطه التحرير ( السادات ) ونروح مجمع التحرير ندخل المجمع الدور الارضي هنلاقي البنك الاهلى في وشنا
وفي ممر يمين وممر شمال ندخل الممر الشمال وندخل اي مكتب ونقوله عاوز اصدق على القسيمه هيدلك على المكتب عشان كل مكتب خاص بعدد من المحاكم
الموظف هياخد منك القسيمه وهيديك طلب تملاه وهاتدفع 260 قرش وهيقولك تروح المحكمه الدور كذا
ومننساش الراجل اللى هيقابلك في اول الممر ويقولك كل سنه وانت طيب ياباشا قل له وحضرتك طيب
الموضوع مش هياخد اكتر من ربع ساعه باذن الله بعد كده نروح عالمترو تاني …
9.30 صباحا نركب المترو وننزل رمسيس ( الشهداء ) ونروح محكمه الزنانيري عند موقف احمد حلمي او ممكن ننزل سراي القبه ونركب حاجه لمحكمه مصر الجديده او حسب المحكمه اللى الموظف يقول لك عليها
المهم هتروح مكتب الامين العام يمضيلك عليها وبعد كده رئيس النيابه يختملك عليها ومش هتدفع حاجه خالص, وطيران عالمترو …
10.00 صباحا نركب المترو وننزل سعد زغلول وطيران على وزاره العدل الدور 14 وتسال على مكتب التصديقات
هتدفع 250 قرش وتنتظر شويه , وبعد كده نروح فين ؟؟؟
طيران عالمترو برضو
11.00 صباحا ننزل محطه احمد عرابي ونروح موقف الترجمان ونسال على مكتب تصديقات الخارجيه وتقف فى الطابور وتدي قسيمه الزواج للموظف وهتدفع 11 جنيه كده الحمد لله ناقص مشوار واحد يعتبر اهم واحد … بسرعه على المترو …
12.00 ظهرا ننزل محطه التحرير ( السادات ) ونخرج من المخرج بتاع المجمع ونروح نصلي الظهر في عمر مكرم وبعد كده ناخد تاكسي ونروح القنصليه السعوديه بجاردن سيتي وهناك تشوف اي مكتب خدمات سياحيه وتقوله عاوز اصدق على القسيمه هتدفع 110 جنيه
( الاسعار بتختلف من مكتب لمكتب اسال في كذا مكتب عشان الاستغلال ) وتستلم بعد اسبوع باذن الله
وبعد كدا طيران على المترو عشان تروح البيت بسلامه الله
ممكن تعمل المشاوير دي كلها ورا بعض في يوم واحد او يومين تلاته انت وراحتك
الخطوه الثانيه :
(تتم في السعوديه ويقوم بها الزوج برضو )
عمل اجراءات الاستقدام للزوجه
1- تعبئه النموذج الخاص بالطلب سواء للاقامه او الزياره مع ملاحظه استيفاء كافه الشروط والبيانات بكل دقه ومن ثم ختمها من صاحب العمل والتصديق على توقيعه من الغرفه التجاريه قبل الحضور.
2 – توضح اسماء الاشخاص المطلوب استقدامهم من واقع وثيقه السفر مع ايضاح صله القرابه بصاحب الطلب على ان يقصر ذلك على الزوجه والابناء.
3 – في حاله كون الزوجه والابناء يحملون جنسيه خلاف جنسيه صاحب الطلب او كانت لهم جنسيات سابقه فينوه عن ذلك في الحقل المخصص.
4 – يجب احضار اصل المستندات التاليه مع نسخ منها:
1 – جواز السفر.
2 – قسيمه الزواج التي تم التصديق عليها في مصر.
3 – المؤهلات العلميه .
4 – الاقامه مع ترجمتها باللغه العربيه من مكتب ترجمه معتمد بالمملكه العربيه السعوديه اذا كانت بغير اللغه العربيه .
5 – يلزم ان تكون الوثائق التاليه :
(ا) المؤهلات العلميه .
(ب) عقد الزواج الذي تم التصديق عليه في مصر.
(ج) شهاده الميلاد للابناء والبنات
مصدقه من الجهات المختصه في بلد المصدر او من يمثل المملكه فيها.
6 – سداد مبلغ الفين ريال عن طريق البنك وتقديم ايصال السداد مرفق مع الاوراق .
7 – تقدم الطلبات لمكتب الاستقدام التابع لوزاره الداخليه .
ودي صفحه ملء الطلب على الانترنت
وبعد كده تحصل على الورقه الصفراء وتنسخها اسكانر وتبعتها بالايميل لزوجتك
الخطوه الثالثه :
(تتم في مصر وتقوم بها الزوجه )
استكمال اجراءات الاستقدام
الاوراق المطلوبه :
1- جواز سفر ساري ومضاف اليه اسم الزوج
(الزوجه بتروح مصلحه الجوازات ومعاها الباسبور وصوره منه ( من ص2 الى ص 9 ) وقسيمه الزواج وصوره منها لو بطاقتها مفيهاش اسم الزوج وبتدفع 16.25 جنيه دمغات وبتنتظر ساعه وبتاخد الباسبور بس ده في حاله لو معاها الباسبور العادي مش المميكن لو معاها المميكن سيتم تغييره وتدفع 110 جنيه رسوم اصدار جواز سفر جديد لانه للاسف مينفعش يتضاف اليه بيانات)
2- الورقه الصفراء اللى الزوج هيبعتهالك وصورتين منها.
3- 3صوره شخصيه للزوجه .
4- قسيمه الزواج و4 صور منها.
( اي ورق يتم تصويره عشان متعطليش نفسك )
نبدا يومنا بسم والله ونروح على المترو …
9.00 صباحا ننزل محطه التحرير ( السادات ) ونركب تاكسي ونروح المكتب اللى وثقنا من خلاله قسيمه الزواج
لو كانت اسعاره معقوله ومش استغلاليين.
هنديله جواز السفر وصوره شخصيه والورقه الصفراء وهندفع 220 جنيه وناخد وصل وننتظر ساعتين لحين الانتهاء من تسجيل الانترنت. ولو في اولاد مش مضافين على جواز سفر الزوجه ولهم جواز سفر خاص بندفع لكل باسبور حوالي 100 جنيه
خلال ساعتين الانتظار اتصلي بوزاره الصحه واحجزي موعد على رقم 16082
11.00 صباحا نروح مكتب جامكا القاهره عشان تعرفي المستشفى اللى هتعملي فيها الكشف الطبي ومعانا جواز السفر وورقه النت وصوره البطاقه الشخصيه وتدخلي تديهم الحاجه دي وتقعدي في استراحه السيدات وبعد ما يتم تحديد المستشفي في واحد بينادي على الاسامي تاخدي جواز السفر وتتاكدي من انه بتاعك وبداخله الورقه اللى هتروحي بيها المستشفى وغالبا بتكون مستشفى قريبه من مكان سكنك
( قبل دخولك هتلاقى ناس واقفه بتقول صورى جواز السفر والبطاقه وورقه النت متسمعيش كلامهم ده مجرد لم فلوس )
هتخرجي من مكتب جامكا هتلاقى تاكسيات بتنادي على المستشفيات اللى فيها الكشف متركبيش معاهم اولا لانهم غاليين وثانيا عشان لازم تروحي تعملي التحاليل الطبيه في وزاره الصحه ومتهتميش بالموعد اللى اتحجز لك المهم انك حجزتي واسمك عندهم
12.00 ظهرا بعد ما خرجتي من مكتب جامكا تتطلعي على وزاره الصحه تعملي التحاليل ومعاكي جواز السفر وورقه النت والبطاقه الشخصيه وصورتين شخصيتين و 120 جنيه التحاليل باذن الله مش هتاخد اكتر من 10 دقائق هي شكه دبوس
12.30 ظهرا تطلعي على المستشفى اللى هنعمل فيها الكشف الطبي ومعاكي جواز السفر والورقه اللى خدتيها من جامكا وورقه النت و 275 جنيه وصوره شخصيه او هما هيصوروكي .
كده الحمد لله ميبقاش ناقص غير تروحي تودي جواز السفر للمكتب وتاخدي معاكي ورقه النت وصوره قسيمه الزواج والورقه الصفراء ومبلغ 350 جنيه رسوم التاشيره
وهتاخدي وصل بالاستلام بعد 10 ايام او اقل ان شاء الله
وبردو ممكن تعملي المشاوير دي كلها ورا بعض في يوم واحد او في يومين
- الاوراق المطلوبة للاستقدام 2015
- خطوات استقدام الزوجة للسعودية 2015
- اجراءات استقدام الزوجة للسعودية 2015
- الاوراق المطلوبة لاستقدام الزوجة 2015
- اوراق الاستقدام المطلوبة 2015
- شروط استقدام الزوجة للسعودية 2015
- اجراءات الاستقدام للسعودية 2015
- الاوراق المطلوبة للاستقدام
- الاوراق المطلوبة للاستقدام في السعودية 2015
- خطوات الاستقدام للسعودية 2015
