ست بيت بس عصريه
عندك مكرونه باقيه بدل ما ترميها حطيها فى الفريزر وطلعيها فى اى يوم واعمليها بيتزا
بصله مفرومه ولحم مفروم وفلفل حامى مقطع وزيتون مخلى وجبنه موزاريلا للوش
عصجى اللحم
معلقه سمنه شوحى فيها البصل وانزلى باللحمه وفلفل اسود لحد ما تشرب ميتها ضيفى الفلفل الاخضر وفى الاخر الزيتون المخلى وبعدها المكرونه وقلبى دقيق وانقليها فى صنيه مدهونه سمنه ودخليها الفرن تلت ساعه طلعيها رشى الوش جبنه مواريلا ودخليها تحت الشوايه وخمس دقايق
وجنبها سلطه وبطاطس محمره وبالهنا
الكبده بالرده بتاعت الشرقاوى
كبده شرايح مغسوله بميه سخنه ونقطتين خل هنحطها فى تتبيله مكونه من (ميه بصل وفصين توم مفروم وملح وفلفل ومعلقه خل ومعلقه عصير ليمون ) بنحط فيها الكبده ونحطها فى التلاجه ساعتين
نطلعها بتتغلف بدقيق سن مش رده صافيه او كوبايه دقيق عادى عليها ربع كوبايه رده ناعمه وتتقلى فى زيت غزير سخن يدوب 3 دقايق
وبالهنا
- ست بيت بس عصرية
