سلطه الفاصوليا الخضراء بالمايونيز
المقادير:
فاصوليا خضراء متقطعه (نص كيلو)
3 معالق كبيره ممسوحه سكر(وانت ظبطي الطعم)
ربع معلقه صغيره ملح
رشه فلفل اسود وكمون
3 معالق كبيره مايونيز او حسب ما تحبي
التحضير:
نحط الفاصوليا المتقطعه في حله علي نار هاديه منغير اي اضافات خالص لحد ما تستوي وومكن نضيف شويه ميه صغيره لضمان التسويه
وبعد ما تستوي طفي النار وسيبي الفاصوليا تهدي شويه وبعدين ضيفي السكر وهي لسه دافيه عشان يدوب وما يبقاش ظاهر
فيها ويضايقك ونضيف الملح والفلفل والكمون
وبعد كده نسيبها تبرد خالص ونضيف لها المايونيز ولازم تضيفي المايونيز وهي بارده خالص عشان ما يكلكعش معاكي وتقلبيها
كويس بحيث ان كل المكونات تتخلط مع بعض كويس وتسيبيها في التلاجه عشان بتبقي حلوه اوي وهي بارده وممكن تضيفي
لها جزر مبشور او بقدونش او شبت زي ماتحبي وبالف هنا وشفا
