طريقه تتبيل السمك الفيليه
المقادير:
4 قطع سمك فيليه
ملعقه كبيره بصل بودره (او بصل مفروم)
ملعقه كبيره ثوم بودره (او ثوم مفروم)
2 ملعقه صغيره بشر ليمونه
½ ملعقه صغيره زعفران
ملعقه صغيره كزبره جافه
ملعقه صغيره اوريجانو
½ كوب عصير ليمون
ملعقه صغيره كركم
ملعقه صغيره شطه
ملعقه كبيره بابريكا
ملح وفلفل اسود
½ كوب زبده
الطريقه :
1- ذوبي نص كميه الزبده في وعاء صغير مع الكزبره والكركم والبصل البودره والثوم البودره والزعفران والاوريجانو والشطه والبابريكا وملح وفلفل حسب الرغبه ، وقلبيهم لغايه ما يختلطوا مع بعض وارفعيه من على النار.
2- ضعي الخليط في طبق وضيفي عليه ملعقه بشر ليمون وقلبيهم مع بعض، وبعد كده وزعيه كويس بايديك على السمك من الجانبين، وسيبيه في التلاجه لمده ساعه علشان يتبل كويس.
3- ذوبي باقي كميه الزبده وحمري فيها السمك لغايه ما يبقى لونه دهبي او لغايه ما يستوي، اخرجي السمك من المقلاه من غير الصوص اللي نزل منه وحطيه في طبق.
4- حطي عصير الليمون على صوص السمك اللي في المقلاه ، وضيفي عليهم ملعقه بشر الليمون التانيه وقلبيهم مع بعض، وارفعي بعد كده الخليط ده من على النار وتبليه بكميه ملح مناسبه لو احتاج، وسيبيه لغايه ما يغلي وقوامه يتقل شويه .
5- رصي قطع السمك في طبق التقديم وصبي فوقه خليط الليمون وقدميه مع رز السمك.
صحه وعافيه
