طريقه تحضير تورتات اعراس
نبدتى الاول بعمل الكيكه الاسفنجيه
مقادير الكيكه الاسفنجيه (لصينيه 30 ):
– 12 بيضات (مفصولين البياض عن الصفار)
– 300 جرام سكر مطحون (اوزن السكر الاول وبعدين اطحنه- السكر الخشن بيهبط الكيكه )
– 400 جرام دقيق منخول مضاف عليه ملعقه نشا كبيره
( النشا بيطرى الكيكه)
– فانيليا
– 6 ملاعق ميه من الحنفيه (يضاف عالصفار)
-ملعقه خل كبيره ( يضاف عالبياض) _ باكو بيكنج بودر
* الطريقه :
– طبعا استخدام كوب المقياس المدرج هو افضل حل بتكون المقادير مظبوطه جدا
– مرحله التجهيز اهم من مرحله الاعداد لانها بنسهل وتقلل الخطوات وتخليكي تركزي في مراحل ضرب البيض واهم حاجه في التجهيز هي
– يبات البيض في الثلاجه قبلها بليله ويفصل قبل عمل الكيكه تقريبا بساعتين ويترك ليصل لدرجه حراره الغرفه
نجهز الصينيه بدهنها بسمن سايح و فرش ورق زبده من القعر و الجوانب (ورق الزبده اسهل من رشه الدقيق باضمن بيها ان ما فيش نقطه سمن توصل للكيك وتهبطه وكمان وهو ده المفيد اسهل فى فصل الكيك عن الصينيه من غير ما حاجه تلزق فى قعر الصينيه ) – ينخل السكر البودره ويقسم لنصفين نصفه يضرب مع الصفار والنصف الاخر مع البياض
– ينخل الدقيق والبيكنج باودر بعد وزنه ويمكن اضافه ملعقه نشا وخصم وزنها من الدقيق-نضع صفار البيض في وعاء ونخفق بالمضرب الكهربائى على البطيء ثم على السريع ثم نضيف نصف كميه السكر تدريجيا والفنيلا وملاعق الماء ال6 ونستمر في الخفق لمده خمس دقائق تقريباحتي يتضاعف حجمه 3مرات ويتغير قوامه تماما يصبح ابيض وكثيف جدا جدا كانه كريمه-ضعي الصفار المخفوق في وعاء واسع واغسلي العجانه والمضارب كويس جدا ونشفيهم جامد وابداي في ضرب البياض اضيفي باقي كميه السكر ستجدين انه اصبح يكون رغاوي زي الصابون زودي السرعه الثانيه واضيفي ملعقه شاي خل يثبت القوام ويبيضه اكثر
اضربي علي اقصي سرعه وادخلي الجوانب بملعقه بلاستيك نظيفه وجافه استمري في الخفق حتي يتحول لميرانج
]-نضع الميرانغ على جنب .. ثم ننخل الدقيق تدريجيا ( نصف المقدار اولا ثم النصف الاخر ) على صفار البيض ونخلط بواسطه ملعقه خشبيه او بلاستيكيه حتى يتجانس الدقيق مع صفار البيض . -بعد ذلك نضيف الميرانغ ( بياض البيض المخفوق بالسكر والمثبت بمعلقه الخل ) نصف المقدار اولا ثم النصف الاخر .. ونحررررررررررص في هذه المرحله ان لا نخفق بشده .. ما نريد عمله هو مزج الخليطين مع بعض قلبي بهدؤ الهدف هو خلط المكونان من دون ما نفقد جزيئات الهواء المتجمعه في بياض البيض الذي كلما حافظنا عليه كلما زادت نسبه اسفنجيه الكيكه ..صبي الخليط المتجانس في الصينيه المدهونه وزعيه بالملعقه الخشبيه وساويه جيدا – ثم ادخليها في الفرن (سبق تسخينه لدرجه 180 لمده 20 دقيقه قبل الخبز )في المنتصف واقفلي باب الفرن بلطف دون حدوث اي ارتجاج ,تستوى خلال 40 دقيقه ان شاء الله -وده شكلها بعد ما طلعت من الفرن
اولا لازم تسيبي الكيكه تبرد شويه قبل ماتشيلي الورق من عليها او تطلعيها من الصينيه وتتاكدي اصلا انها استوت جيدا قبل خروجها من الفرن عشان ماتهبطش
برديها كويس على منخل سلك وبعدها نقسمها على حسب السمك انا قسمتها 3 طبقات
*ندخل بقى على المهم طريقه عمل العروسه
– نحضر بوله استيل او بيركس ده شكلها
وده وهى مقلوبه – على حسب مقاسات البوله حضرت دواير من الورق المقوى متدرجه فى المقاس عشان اقص عليها طبقات الكيكه وممكن تستعيضى عن دواير الورق المقوى ده باطباق لها نفس المقاسات , انا حضرت دواير بقطر10 ,13 ,16 ,22,19 سم
بس الدايره اللى قطرها 22 سم دى طبق مسطوح هيبقى قاعده التورته – نضع الدواير على طبقات الكيكه
ونقصها على مقاسها
هنحصل على 5 دواير متدرجه القياس
والباقى طبعا من الكيكه تعملى بيه احلى بورفيترول او ترتيفل -نبطن البوله بكيس بلاستيك
لمنع الالتصاق ونبدا فى رص الطبقات -نبدا باصغر طبقه كيك
وبعدها كريمه ومكسرات وهكذا لحد اخر طبقه
وبعدها نقفل الكيس على اخر طبقه ونضع الطبق المسطوح قاعده التورته على اخر طبقه ونضع ثقل عليه كيس سكر مثلا
وتبات كده فى التلاجه عشان تتماسك وتاخد شكل القالب
نشيل بعدها الكيس البلاستيك هنلاقيها بقت شكل القالب بالظبط
وبعدها نغطيها بالكريمه
ونجيب عروسه ونشيل هدومها ونلفها لحد وسطها بالفويل ونلف شعرها برضه عشان الكريمه ما تبهدلوش
ونعمل خرم للعروسه بالسكينه فى وسط التورته عشان نحطها في
وبعدها نكمل زينه التورته ونعمل فستان العروسه وكل واحده ومزاجها فى لون وشكل الفستان انا عملته بالابيض والبمبى عشان بنتى بتحب البمبى جدا وضيفت بودره جيلى فراوله للكريم شانتيه عشان يدى اللون البمبى وكان مدى طعم الفراوله للكريمه وكان شكلها رقيق قوى وده شكلها بعد ما خلصت
واللى على وسط العروسه والفيونكه بودره جيلى فراوله رشيتها مباشره على جيبه العروسه كانت مديه لمعه ومنظر جميل -وده شكلها على السفره من جميع الاتجاهات
