تعليم التريكو خطوه خطوه طريقه تعليم التريكو خطوه خطوه خطوات تعليم التريكو بالصور
طبعا كلنا عارفين التريكو
بس هل كلنا عارفين نشتغل تريكو؟؟؟
طبعا لا
عشان كده النهارده انا بقدم موضوع عن التريكو
عشان كلنا نتعلم ونستفيد
بسم الله نبدا
التريكو ده بيكون شغل بالخيط عن طريق ابرتين
ومش دايما بيكونوا ابرتين بس
احيانا العدد بيزيد ممكن يوصل لخمس ابر مثلا في حاله عمل جوانتي
وعدد الابر بيكون حسب ايه هي الحاجه اللي بتعمليها بالتريكو
عندنا ابر التريكو احجام وانواع
ابر التريكو
وده برضه بيتوقف على ايه اللي احنا بنعمله
وهل احنا عايزين غرزه صغيره وللا كبيره
طبعا عارفين ان فيه انواع كتير جدا من خيط التريكو
اساسيات شغل التريكو
استعمال ابرتين مدببتين من جهه واحده فقط (كما هو واضح من الاشكال السابقه ) او اكثر (فى حاله الجوانتى بيستخدم خمس ابر مدببه من الطرفين) ويكون الشغل باستخدام اليدين الشمال يكون عليها الغرز المراد شغلها واليمين لنقل الغرز (اما بشغلها مقلوب او بالعدل كما سيوضح فيما بعد) اللى موجوده على الشمال.
كيفيه تكوين غرز البدايه
غرزه البدايه (ويقابلها السلسله او الطائره فى الكروشيه ) وتسمى بالانجليزيه cast-on (كما فى الباترونات ) وممكن عملها بطريقتين:
الاولى : بنعمل البدايه باستخدام الابرتين
الثانيه : بنستخدم ابره واحده نضعها تحت الابط اليمين او الشمال كما تريدين (انا بستخدمها تحت الابط الشمال) ثم نحضر شله الخيط ونخرج طرفها بعدد الغرز المراد تكوينها (يعنى لو هنكون 10 غرز نترك حوالى 15 20 سم تقريبا من الخيط وهذا يتوقف على سمك الخيط) ونجعل الخيط اللى اخرجناه ناحيه الشمال والشله ناحيه اليمين ونضع الخيط تحت الابره ” ثم نلف الخيط لفه باتجاه عقرب الساعه على الاصبعين (السبابه والوسطى) ثم ندخل الابره فى وسط الخيط المعقود على الاصبعين ثم عمل لفه على الابره بالخيط المتروك جهه الشمال ثم سحب الابره من خلال الخيط المعقود على الاصبعين (سوف تتكون لنا اول عقده او غرزه ) ” تكرر هذه الخطوات الى ان نحصل على عدد الغرز المراد تكوينها لبدايه الشغل.
__________________
طريقه شغل الغرزه المرنه او العدله K ( رمزها بالانجليزى كما يوجد فى الباترونات)
وتوضحها الصوره
ويلاحظ هنا طريقه وضع الابره بندخلها من تحت الغرزه من خلفها ثم نلف الخيط فوقها ونسحبها لتكون الغرزه العدله
طريقه شغل الغرزه المقلوبه P
كما فى الصوره
وهنا بندخل الابره من امام الغرزه ثم نلف الخيط ونسحب الغرزه فتتكون المقلوبه
